Прадстаўнік адміністрацыі прэзыдэнта Ўкраіны па пытаньнях ваеннай апэрацыі на ўсходзе краіны Аляксандар Матузянік паведаміў, што за суткі раненьні атрымалі 12 украінскіх вайскоўцаў. Паводле яго, баі з прымяненьнем артылерыі ішлі пад Данецкам, Марыюпалем і Луганскам. У «ДНР» заявілі пра чатырох загінулых сэпаратыстаў.
Паводле дадзеных Міністэрства абароны Ўкраіны, зь вясны 2014 году ахвярамі ўзброенага канфлікту ў Данбасе сталі больш за 2600 украінскіх вайскоўцаў, больш за 9 тысяч былі параненыя.