18 траўня 1944 году распачалася дэпартацыя крымскіх татараў, якія змаглі вярнуцца дамоў толькі напрыканцы 1980-х.
Учора шматтысячная акцыя на майдане Незалежнасьці у Кіеве праходзіла пад знакам рашэньня прэзыдэнта Ўкраіны Пятра Парашэнкі стварыць камісію аб стварэньні у Крыме крымскататарскай нацыянальнай аўтаноміі. Адпаведныя зьмены павінны быць уключаныя да Канстытуцыі Ўкраіны.
«Са спазьненьнем усьведамляем неабходнасьць стварэньня ў Крыме нацыянальнай аўтаноміі крымскіх татараў з поўным, зразумела, забесьпячэньнем роўных правоў і свабодаў этнічных украінцаў, расейцаў і іншых этнасаў паўвострава», — сказаў Пятро Парашэнка.
Напрыканцы акцыі памяці ўсе удзельнікі мітынгу запалілі сьвечкі памяці ахвяраў дэпартацыі крымскіх татараў.
