Лінкі ўнівэрсальнага доступу

Юля Сьцяпанава працягвае галадоўку салідарнасьці з Надзеяй Саўчанкай


Юлія Сьцяпанава

Актывістка «Эўрапейскай Беларусі» Юля Сьцяпанава будзе працягваць галадоўку ў знак салідарнасьці з Надзеяй Саўчанкай. Хаця зьняволеная ў Расеі ўкраінская лётчыца 19 красавіка спыніла галадоўку пасьля тэлефоннай размовы з прэзыдэнтам Украіны Пятром Парашэнкам.

«Я абʼявіла галадоўку ня разам з Надзеяй Саўчанкай, а ў знак салідарнасьці з Надзеяй. Тое, што яна спыніла галадоўку я, безумоўна, вельмі рада і гэта падтрымліваю. Але пакуль яе не адпусьцілі, я ня бачу сэнсу спыняць сваю галадоўку. Я прызначыла сабе тэрмін да 1 траўня, але ня ведаю, вытрымаю я ці не. Мяне ўзрадавала навіна, што Надзея спыніла галадоўку, але я спыняцца ня буду», — сказала карэспандэнту Свабоды Юля Сьцяпанава.

Актывістка адзначыла, што не вылучае ніякіх патрабаваньняў.

«Гэта проста акцыя салідарнасьці з Надзеяй Саўчанкай. Па абʼектыўных прычынах я не магу прысутнічаць на пікетах у яе падтрымку, таму вырашыла такім чынам падтрымаць».

Юля Сьцяпанава пачала галадоўку 18 красавіка.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG