Лінкі ўнівэрсальнага доступу

Юля Сьцяпанава абвясьціла галадоўку ў знак салідарнасьці з Надзеяй Саўчанкай


Юля Сьцяпанава, архіўнае фота

Актывістка «Эўрапейскай Беларусі» трымае галадоўку з 18 красавіка. Яна ня можа ўдзельнічаць у пікетах у падтрымку Саўчанкі, бо даглядае малую дачку.

«Я не высоўваю ніякіх патрабаваньняў. Гэта проста мой знак салідарнасьці з Надзеяй Саўчанкай. З абʼектыўных прычын я не магу прысутнічаць на пікетах, якія ладзяць у Менску актывісты ў падтрымку ўкраінскай лётчыцы. Але мне вельмі хочацца падтрымаць чалавека, і я вельмі шчыра перажываю за яе, ведаю, што здароўе Надзеі вельмі моцна пагаршаецца».

Юля Сьцяпанава кажа, што яна нічога ня есьць, але пʼе ваду. І што пэўна будзе галадаць да Вялікадня.

«Сухую галадоўку я дакладна не пацягну, я нават пра гэта і ня думала. Я проста адмаўляюся ад ежы, пляную ня есьці да канца Вялікага Паста. Пакуль усё нармальна, есьці ня хочацца. У мяне ўжо ёсьць досьвед галадоўкі — на Акрэсьціна».

Актывістка кажа, што спыніць галадоўку ў выпадку, калі Надзею Саўчанку абмяняюць на зьняволеных ва Ўкраіне расейцаў:

«Гэта было б проста цудоўна, каб Надзея трапіла ва Ўкраіну. Але цяпер мне проста хочацца яе падтрымаць, каб яна ведала, што ва ўсім сьвеце яе падтрымліваюць».

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG