У сераду, 13 красавіка ў Менску пасьля цяжкой хваробы ва ўзросьце 69 год памёр Міхал Кацюшэнка, беларускі журналіст і пісьменьнік, былы галоўны рэдактар газэты «Знамя юности», паведамляе сайт Naviny.by.
Выпускнік журфаку БДУ, Кацюшэнка працаваў у газэце «Чырвоная зьмена», у ЦК беларускага камсамолу, намесьнікам галоўнага рэдактара часопіса «Крыніца» і галоўным рэдактарам беларуска-нямецкага часопіса «Евростиль». Быў галоўным рэдактарам газэты «Знамя юности». Аўтар дзевяці кніг, якія выйшлі ў Беларусі, Маскве і Варшаве, сябра Саюзу пісьменьнікаў і Саюзу журналістаў Беларусі, кандыдат філялягічных навук.
Час і месца пахаваньня стануць вядомыя пазьней.