Лінкі ўнівэрсальнага доступу

У Лобава — ператрус, у яго маці парвалі вопратку і забралі мабільны тэлефон


Эдуард Лобаў

У менскай кватэры былога палітзьняволенага Эдуарда Лобава, які цяпер ва Ўкраіне, адбыўся ператрус.

Здарылася гэта сёньня ў 8.30 раніцы. Ператрусам кіраваў старэйшы опэрупаўнаважаны ГУБАЗ Менгарвыканкаму Раман Кіжапін.

Распавядае маці — Марына Лобава:

«Я выходзіла выгульваць сабак, каля ліфта мяне чакалі тры высокія мужчыны ў цывільным. Яны прад’явілі пастанову на ператрус, падпісаную пракурорам у сувязі з тым, што супраць Эдзіка распачатая крымінальная справа за ўдзел у ваенных дзеяньнях ва Ўкраіне.

Мяне прымусілі вярнуцца ў кватэру. Зайшлі самі і прывялі панятых. Некалькі супрацоўнікаў засталіся ахоўваць уваход у кватэру.

Падчас ператрусу забралі два ноўтбукі — мой і майго мужа. Таксама працэсар (сыстэмны блёк. — РС) ад кампутара, некалькі флэшак і кнігу пра „Малады Фронт“ і праваабарончы цэнтар „Вясна“.

У парушэньне закону сілай з маёй кішэні забралі мабільны тэлефон. Пастанова была на ператрус у кватэры, а не на асабісты агляд — таму гэта парушэньне. Я ўжо не кажу пра тое, што гэта рабілі супрацоўнікі-мужчыны, ды яшчэ з прымяненьнем фізычнай сілы.

У пратаколе я ўказала, што маю прэтэнзіі наконт мабільнага тэлефона, а таксама парванай курткі — гэта здарылася пры аглядзе мяне. Таксама запісала, што мне не дазволілі пазваніць адвакату».

Пасьля ператрусу Марына Лобава зьвязалася з адвакатам. Яна зьбіраецца падаваць скаргу на незаконнае выманьне тэлефона.

На пытаньні пра сына, пра ягоную дзейнасьць ва Ўкраіне Марына Лобава адказваць адмаўляецца.

Глядзець камэнтары (4)

Гэтая дыскусія закрытая.
XS
SM
MD
LG