У панядзелак у Жэнэве пачынаецца новы раўнд перамоваў аб мірным урэгуляваньні ўзброенага канфлікту ў Сырыі. Спэцыяльны пасланьнік ААН па Сырыі Стафан дэ Містура ахарактарызаваў новы раўнд як пачатак «зьмястоўных мірных перамоваў».
Напярэдадні кіраўнік МЗС Францыі Жан-Марк Эро і дзяржсакратар ЗША Джон Керы назвалі правакацыйнымі заявы прадстаўнікоў Дамаска пра нежаданьне абмяркоўваць праблему будучых выбараў прэзыдэнта Сырыі. Эро і Керы заклікалі Расею і Іран пераканаць Башара Асада ў недапушчальнасьці парушэньня рэжыму спыненьня агню толькі ў інтарэсах сырыйскага рэжыму.
Замірэньне ў Сырыі дзейнічае з 27 лютага. Яго ўмовы не распаўсюджваюцца на экстрэмісцкія групоўкі «Ісламская дзяржава» і «Джэбхат ан-Нусра».
