«Хрысьціянска-дэмакратычны рух» аспрэчвае ў Вярхоўным судзе рашэньне Мінюсту аб нерэгістрацыі. (вул. Леніна, 28, пачатак аб 11-й).
У Менску пройдзе чарговая сустрэча трохбаковай перамоўнай групы па Ўкраіне.
У новым будынку дзічяцага хосьпісу (пасёлак Вопытны Менскага раёну) пройдзе дзень адчыненых дзьвярэй. Ад’езд у 12:30 ад будынку Нацыянальнага прэс-цэнтру.
Беларускае швейнае прадпрыемства «Элема» праводзіць паказ вясновай калекцыі, запрошаныя ў тым ліку жонкі дыпляматаў. Менск, Трасьцянецкая, 5а, пачатак у 11:45.
Празаік Марыя Роўда прадставіць у прасторы «Кніжная шафа» сваю кнігу апавяданьняў і аповесьцяў «Клінічны выпадак, альбо Дарэмныя ўцёкі». Спэцыяльныя госьці — музыка Арцём Сітнікаў і паэтка Віка Трэнас. (Менск, пр. Дзяржынскага, 9 , пачатак у 19.00.
Чаму беларусы любяць украінскія песьні? — сустрэча ў кнігарні «ЛогвінаЎ» з фольк-гуртом «Птахі» (Менск, пр. Незалежнасьці, 37а, пачатак а 19-й).
Таксама ў гэты дзень:
1566 — зацьверджаны другі Статут Вялікага княства Літоўскага — звод законаў фэадальнага права, помнік беларускай пісьменнасьці і юрыдычнай думкі.
1802 — створаная Віцебская губерня.
1985 — Міхаіл Гарбачоў быў абраны генэральным сакратаром ЦК КПСС, пасьля сьмерці Канстанціна Чарненкі.
1990 — Вярхоўны Савет Літоўскай ССР прыняў акт, якім заявіў аб выхадзе рэспублікі са складу Савецкага Саюзу.
2011 — у выніку моцнага цунамі адбылася аварыя на японскай ядзернай станцыі Фукусіма.
У гэты дзень нарадзіліся:
1544 — Тарквата Таса, італьянскі паэт
1887 — Алесь Гарун, беларускі паэт
1903 — Тодар Кляшторны, беларускі паэт. Быў асуджаны пазасудовым органам НКВД 29 кастрычніка 1937 і як «член антысавецкай арганізацыі» прысуджаны да вышэйшай меры пакараньня з канфіскацыяй маёмасьці
1911 — айцец Леў Гарошка, беларускі рэлігійны дзяяч, навуковец, публіцыст, галоўны рэдактар часопісу «Божым шляхам», архімандрыт Грэка-каталіцкай царквы
У гэты дзень памерлі:
1906 — Іван Пуліхаў, рэвалюцыянэр, тэрарыст, сябра партыі сацыялістаў-рэвалюцыянэраў, пакараны сьмерцю за замах на менскага генэрал-губэрнатара Курлова,
1941— Аляксандар Уласаў, грамадзкі дзяяч, рэдактар і выдавец першай беларускай газэты «Наша Ніва». У 1918 годзе ўвайшоў у склад Рады Беларускай Народнай Рэспублікі. У кастрычніку 1939 году быў арыштаваны НКВД і перавезены ў Менск. У лістападзе 1940 году асуджаны на 5 гадоў канцлягераў за «шпіёнска-правакатарскую дзейнасьць». Памёр у зьняволеньні ў Расеі.
2006 — у турме Гаагскага трыбуналу памёр Слабадан Мілошавіч. У сувязі з ваеннымі канфліктамі на Балканах, падчас якіх адбылася ў тым ліку бойня 8 тысяч мусульман у Срэбраніцы, Мілошавіч быў абвінавачаны судом па больш як 60 пунктах, сярод іншага ў генацыдзе і злачынствах супраць чалавецтва.
Цытата:
Палітычныя рэжымы, усталяваныя Мілошавічам і Лукашэнкам, спалучалі ў сабе «папулісцкія» і «султанісцкія» рысы. Папулісцкія элемэнты праяўляліся ў імкненьні абодвух прэзыдэнтаў вызначыць сваю ўнікальную асабістую місію, у іх харызматычных якасьцях, а таксама іх настойлівым звароце да даміноўных элемэнтаў палітычных культураў сваіх грамадзтваў. Папулізм (ці, папросту, імкненьне быць папулярнымі) падштурхоўваў лідэраў легітымізаваць кожны свой крок воляй масаў. «Султанісцкія» элемэнты адбіліся ў сыстэме пэрсанальнага праўленьня і манапалізацыі фармальнай і нефармальнай улады, у якой фармальная сыстэма дзяржаўных інстытутаў і герархіі, якую вызначала ўлада, губляла сваё значэньне, а разьмеркаваньне ўлады цалкам залежала ад выбару лідэра і ад ляяльнасьці да яго, якая ў сваю чаргу падтрымлівалася палітыкай бізуна і перніка ў дачыненьні да сваіх падначаленых.
Віталь Сіліцкі. З дасьледаваньня «Адкладзеная свабода. Посткамуністычны аўтарытарызм у Беларусі і Сэрбіі». Пасьмяротная вэрсія гэтай кнігі была зьнішчаная за загад Міністэрства інфармацыі.