Лінкі ўнівэрсальнага доступу

Апошняе слова Надзеі Саўчанкі на 6 дзень сухой галадоўкі. УЖЫВУЮ


9 сакавіка а 11-й Надзея Саўчанка мае выступіць у Данецкім гарадзкім судзе Растоўскай вобласьці з апошнім словам.

Саўчанка ўжо шосты дзень трымае сухую галадоўку. Раней адвакаты выказвалі асьцярогі, што з-за сухой галадоўкі яна фізычна ня зможа выступіць у судзе.

Тэкст апошняга слова Надзеі Саўчанкі быў апублікаваны ў інтэрнэце 3 сакавіка — адразу пасьля таго, як суд, ня даўшы ёй магчымасьці выступіць, перанёс паседжаньне на 9 сакавіка.

У Расеі Надзею Саўчанку абвінавачваюць у датычнасьці да забойства двух расейскіх журналістаў пад Луганскам: яна нібыта вяла карэкціроўку артылерыйскага агню, калі яны былі забітыя разам зь некалькімі мірнымі мясцовымі жыхарамі. Пасьля абстрэлу Саўчанка без дакумэнтаў пад выглядам уцякачкі нібыта перасекла мяжу Расеі, дзе і была затрыманая.

Саўчанка гэтыя абвінавачваньні абвяргае і сьцьвярджае, што ў той час, калі загінулі журналісты, яна ўжо была захопленая сэпаратыстамі «ЛНР», якія потым пераправілі яе ў Расею.

З 7 сакавіка ў гарадах Украіны і Расеі, а таксама ў Менску і ў іншых краінах праходзяць акцыі з патрабаваньнем неадкладна вызваліць Надзею Саўчанку.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG