«Спачатку панабіралі валютных крэдытаў, а цяпер цягнуць апошняе з нашых кішэняў...»

Тэма, якая на працягу многіх гадоў нязьменна гучыць у пошце Свабоды, – беларуска-расейскія дачыненьні, хісткасьць і няўстойлівасьць беларускай незалежнасьці на тле агрэсіўнай вонкавай палітыкі Масквы. А наш сталы слухач Аляксей Былінскі з Рэчыцы – зьвяртае ўвагу на праблему імклівага абясцэньваньня беларускага рубля і росту камунальных тарыфаў.