Калісь адна каляжанка сьцьвярджала, што сьмерць СССР хаваецца ў пісталеце Дзяржынскага, які захоўваецца ў мэмарыяльным музэі на віленскім Зарэччы.
Магчыма, мела рацыю, але выявілася, што заместа зброі там экспанаваўся муляж.
Ліквідацыю музэю ў пачатку 90-х мала хто заўважыў: добраахвотна яго не наведвалі (пэрсанаж непрыемны), а будынак знаходзіўся далёка ад тагачасных турыстычных сьцежак.
Дом стаяў пусты: пару разоў гарэў, а летась яго зьнесьлі.
Нечакана для мяне, на гэты акт не зьвярнулі ўвагі шматлікія ідэйныя спадкаемцы рэвалюцыянэра з гарачым сэрцам. Падазраю, што маўчаць, бо спадзяюцца, што ключ да сьмерці СССР надзейна засыпалі друзам дому, дзе прайшло юнацтва Фэлікса Дзяржынскага.
Андранік Антанян
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org