Лінкі ўнівэрсальнага доступу

Кіеў адзначае Дзень памяці загінулых на Майдане, адначасна ідуць пратэсты


Тысячы жыхароў Кіева ды іншых рэгіёнаў Украіны прыйшлі 20 лютага на алею героў «Нябеснае сотні» каб пакласьці кветкі да партрэтаў загіблых.

Ёсьць сярод іх і замежныя грамадзяне, якія загінулі пад час рэвалюцыі, у тым ліку і Міхась Жызьнеўскі. Каля яго партрэта асабліва шмат кветак.

Помнікі Жызьнеўскаму — «народны» пасярэдзіне праежджай часткі і «афіцыйны» — упрыгожылі. Каля «народнага» помніка усталявалі адмысловыя пражэктары, якія сымбалізуюць месцы, дзе былі забітыя людзі.

Каля манумэнта Незалежнасьці адбываецца мітынг, сярод удзельнікаў якога — шмат вэтэранаў і жаўнераў баявых дзеяньняў на ўсходзе Ўкраіны. У асноўным аратары абвінавачваюць уладу ў сытуацыі, якая склалася ў краіне і патрабуюць адстаўкі ўраду.

Таксама ў Кіеве адбыўся марш, удзельнікі якога закідалі цэглай «Альфа-банк», які знаходзіцца на Майдане незалежнасьці. Гэты банк паводле іх словаў прадстаўляе расейскі капітал. Таксама «дасталася» і офісу алігарха Рыната Ахметава каля Міхайлаўскай плошчы. Цяпер будынак «Альфа-банку» ахоўвае некалькі паліцыянтаў.

Цэнтар горада узмоцнены атрадамі Нацыянальнае гвардыі і дадатковымі экіпажамі хуткай дапамогі. З зоны Антытэрарыстычнай апэрацыі на ўсходзе краіны сёньня прыехаў і аўтамабіль хуткае дапамогі з надпісам «Ратаўніца» — гэта дар беларусаў, якія зьбіралі грошы каб дапамагчы ратаваць жыцьцё ўкраінскіх жаўнераў.

Глядзець камэнтары (2)

Гэтая дыскусія закрытая.
XS
SM
MD
LG