Пераможцы World Press Photo: Здымкам году стала фота ўцекачоў

18 люты 2016, 16:29

1/7 Першая прэмія ў катэгорыі "Людзі" (Маціч Зорман). Дзяўчынка ў дажджавіку чакае рэгістрацыі ў лягеры для ўцекачоў, 7 кастрычніка 2015.

2/7 Першая прэмія ў катэгорыі "Прырода" (Рохан Кэлі). На пляж Бондзі каля Сыднэю ў Аўстраліі насоўваецца шторм, 6 лістапада 2015.

3/7 Першая прэмія ў катэгорыі "Паўсядзённае жыцьцё" (Кевін Фрэер). Каля электрастанцыі ў кітайскай правінцыі Шаньсі, 26 лістапада 2015.

4/7 Першая прэмія ў катэгорыі "Спорт" (Крысьціян Уолграм). Чэскі гарналыжнік Онджэй Банк вылятае з трасы падчас чэмпіянату сьвету ў Бівэр Крык у ЗША, 8 лютага 2015.

5/7 Першая прэмія ў катэгорыі "Падзеі" (Маўрыцыё Ліма). Баевік "Ісламскай дзяржавы" атрымлівае дапамогу ў курдзкім шпіталі.

6/7 Першая прэмія ў катэгорыі "Праблемы сучаснасьці" (Чжан Лей). Імгла спавівае горад Цянцзінь у паўночным Кітаі, 10 сьнежня 2015.

7/7 Першая прэмія ў катэгорыях "Фота году" і "Гарачыя навіны" (Уорэн Рычардсан). Мужчына перадае дзіця праз калючы дрот на сэрбска-вугорскай мяжы, 28 жніўна 2015.

World Press Photo — самы аўтарытэтны міжнародны штогадовы агляд фотажурналістыкі, які шмат у чым вызначае стандарты прафэсіі. Штогод міжнароднае незалежнае журы, якое складаецца з прафэсійных фатографаў і фотарэдактараў СМІ, ацэньвае работы прэтэндэнтаў у 9-ці розных катэгорыях, прадстаўленыя фотажурналістамі, агенцтвамі, газэтамі і часопісамі з усяго сьвету.

Уладальнікам прэміі World Press Photo ў намінацыі «Фатаграфія году» стаў аўстраліец Уорэн Рычардсан (Warren Richardson). Яго ўзнагародзілі за фотаздымак «Надзея на новае жыцьцё», на якой сфатаграфавныя ўцекачы, што перадаюць дзіця праз плот з калючым дротам. Здымак быў зроблены 28 жніўня 2015 году на вугорска-сэрбскай мяжы.

Старшынём журы ў 2016 годзе быў Фрэнсіс Кон (Francis Kohn), фотадырэктар AFP.

Лінкі ўнівэрсальнага доступу

Сачыце за абнаўленьнямі

Пераможцы World Press Photo: Здымкам году стала фота ўцекачоў

Тэмы гэтага артыкулу