Афіша:
Па ініцыятыве старшыні «Маладога Фронту» Зьмітра Дашкевіча адбудзецца дабрачынны маратон «Дапамажы беларускаму салдату» па зборы сродкаў для беларусаў, якія ваююць ва Ўкраіне. Падчас маратону выступіць бард Андрэй Мельнікаў, а таксама адбудзецца аўкцыён, на які мастак і паэт Міхаіл Анемпадыстаў ахвяраваў некалькі сваіх работ. Месца правядзеньня — Офіс партыі БНФ (вул. Чарнышэўскага, 3). Пачатак а 13:30.
У Палацы спорту ў Менску праводзіцца фінал чэмпіянату Эўропы па індархакеі сярод жаночых камандаў.
У гісторыі:
1776 — нарадзіўся Эрнст Тэадор Амадэй Гофман, нямецкі літаратар, кампазытар, мастак.
1827 — нарадзіўся Аляксандар Далеўскі, адзін з арганізатараў Братняга саюзу моладзі, які вёў кансьпірацыйную працу ў Вільні, Менску, Горадні, Лідзе, Наваградку, Слоніме, а таксама сярод салдатаў Бабруйскае крэпасьці. Далеўскі перажыў турму, катаргу і ссылку.
1885 — нарадзіўся беларускі кінарэжысэр Юры Тарыч, які зьняў першы беларускі мастацкі фільм «Лясная быль». Адбылося гэта ў 1926 годзе.
1901 — нарадзіўся Янка Шутовіч, беларускі літаратуразнавец, выдавец, грамадзкі і культурны дзяяч.
1931 — нарадзіўся Міхась Мушынскі, гісторык беларускай літаратуры.
1939 — у Менску заснаваная Дзяржаўная мастацкая галерэя БССР — будучы Нацыянальны мастацкі музэй Рэспублікі Беларусь.
У памяці:
1965 — памёр Уінстан Чэрчыль, ангельскі палітык, прэм’ер-міністар Вялікабрытаніі, ляўрэат Нобэлеўскай прэміі па літаратуры.
Цытаты:
«Людзі выдатна ўмеюць захоўваць сакрэты, якіх ня ведаюць.»
«Лягчэй кіраваць нацыяй, чым выхоўваць чацьвярых дзяцей.»
«Найлепшы спосаб сапсаваць адносіны — гэта пачаць высьвятляць іх.»
Уінстан Чэрчыль