Лінкі ўнівэрсальнага доступу

Віцебскі прадпрымальнік Анар Іваноў скончыў галадоўку


Анар Іваноў
Анар Іваноў

Анар Іваноў меў прэтэнзіі да ЖРЭУ Першамайскага раёну, у якога арандуе памяшканьне плошчай 18,6 квадратных мэтраў. Паводле ягоных словаў, у квітанцыях на аплату не пазначалася, што гэта грошы за арэнду. І ён ня мог быць пэўны, што зь яго не спагоняць плату яшчэ раз. Падчас галадоўкі яго наведалі прадстаўнікі ЖРЭУ, якія перарабілі ўзор квітанцыяў. І ў абед 19 студзеня ён вырашыў скончыць галадоўку.

«Плацёжка» нібыта не за арэнду, а за транспартныя паслугі
«Плацёжка» нібыта не за арэнду, а за транспартныя паслугі

Пытаньне наконт атрыманьня ва ўласнасьць памяшканьня, дзе раней разьмяшчалася крама парфумэрыі і касмэтыкі «Ліза», засталося нявырашаным. Цяпер Анар Іваноў хоча абсталяваць там цырульню. Паводле парады знаёмых прадпрымальнікаў, ён вырашыў зьвярнуцца ў адміністрацыю Першамайскага раёну — каб удакладніць, якія магчымасьці ён мае адпаведна заканадаўству. Праўда, ранейшыя звароты ў Віцебскі гарвыканкам наконт гэтага плёну не прынесьлі.

Плякат над крамай «Ліза» яшчэ вісіць
Плякат над крамай «Ліза» яшчэ вісіць

Анар Іваноў правёў апошнія некалькі сутак, галадуючы на працоўным месцы. Цяпер над уваходам у краму «Ліза» па-ранейшаму вісіць плякат са словам «Галадоўка». Але ўнутры пуста, 45-гадовы прадпрымальнік ужо дома.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG