Лінкі ўнівэрсальнага доступу

Гадуецца тэрарыст


Станіслаў Высп’янскі, «Мацярынства» (1905).
Станіслаў Высп’янскі, «Мацярынства» (1905).

Маладая менская сям’я з малым хлопчыкам пераехала ў новую кватэру. Дом стары, сусед па пляцоўцы ў паважным веку, але на шум не зважае, вітаецца, прыязны, трымае дзьверы, дапамагае з каляскай у ліфце. Потым чуе, як мама з малым гуляюць у двары і размаўляюць па-беларуску.

Дзядзька ў шоку:

— Вы з сынам па-беларуску гаворыце?!

— У нас жа білінгвізм, — кажа маці.

Наступны раз сустракаюцца ў ліфце.

— Добры дзень, — кажа малы.

Сусед не вытрымлівае і выдае плён доўгіх роздумаў:

— Тэрарыста расьціце.

— Суседзяў чапаць ня будзем, праўда, Ясік? — пытаецца маці.

Дзядзька выскоквае на лесьвіцу.

Сёмы паверх...

***

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG