Лінкі ўнівэрсальнага доступу

«Руская ноч» у Горадні


У Горадні ў клюбе «Калізэй» у панядзелкі праводзіцца «Russian night». На афішы напісана: «100% рускай музыкі» і «толькі руская музыка».

Плякат «рускай ночы» у гарадзенскім «Калізэі»
Плякат «рускай ночы» у гарадзенскім «Калізэі»

У клюбе адказалі, што сапраўды ў першы дзень тыдня адбываецца «проста руская вечарынка ў рускім стылі». А што гэта азначае? Што не зарубежная нейкая музыка, без усякіх апрацовак, а дапусьцім, «Руки вверх!», такое вось: «Менавіта наша руская музыка». Можа народныя строі выкарыстоўваюцца? Ну цяпер невядома, а раней бывала, адказалі на другім баку.

А, апроч як на расейскай ці на ангельскай, іншай не бывае? На польскай мове, напрыклад, ці на беларускай? Адказ: «Заўсёды граецца тое, што слухае моладзь. Дыджэі падстройваецца пад людзей, пад тое, што ім падабаецца». Між іншым, дыджэй Пятроў, які названы ў афішы, у клюбе больш не працуе.

У Горадні была заўсёды папулярная польская музыка. Аднак польскай на вечарынках у клюбе не было, хіба хто замовіць. А беларуская? Беларуская? Дыджэй глядзіць па настроі людзей, быў адказ. І беларускую могуць уключыць, галоўнае, каб людзі танчылі, каб ім падабалася. Карацей, «беларускай ночы» не было? Не, не было, але: «„Руская ноч“ усё ў сябе ўключае: гэта ня толькі нейкія расейскія выканаўцы, гэта і нашы беларускія, ёсьць жа выконваюць песьні на расейскай, Калдун, многа іх. Проста называецца „руская“, каб не падзяляць».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG