Лінкі ўнівэрсальнага доступу

Абама: ЗША захаваюць абавязаньні перад Паўднёвай Карэяй і Японіяй


Заява прэзыдэнта ЗША зьявілася ўсьлед за інфармацый з КНДР аб праведзеным там новым ядзерным выпрабаваньні.

Амэрыканскі прэзыдэнт Барак Абама пацьвердзіў прыхільнасьць Злучаных Штатаў бясьпецы Паўднёвай Карэі і Японіі пасьля таго, як Паўночная Карэя абвясьціла 6 студзеня аб пасьпяхова праведзеным выпрабаваньні вадароднай бомбы.

Барак Абама заявіў пра магчымасьць жорсткіх мер у адказ у дачыненьні да Пхеньяну. У зваротах да прэзіыэнта Паўднёвай Карэі Пак Хын Ке і прэм’ер-міністра Японіі Сіндза Абэ Абама пагадзіўся з тым, што саюзьнікі «павінны разам прыйсьці да адзінага і важкага міжнароднага адказу на апошнія безразважныя дзеяньні КНДР».

Пра гэта гаворыцца ў распаўсюджанай 7-га студзеня заяве Белага дому.

Паведамляецца таксама аб праведзеных кансультацыях дзяржсакратара ЗША Джона Кэры з кіраўнікамі зьнешнепалітычных ведамстваў Паўднёвай Карэі і Японіі. «Бакі гаварылі аб разьмяшчэньні амэрыканскіх стратэгічных сродкаў на Карэйскім паўвостраве», заявіла паўднёвакарэйская вайсковая крыніца агенцтву Reuters. Сэул і Токіо раней падверглі рэзкай крытыцы магчымае ядзернае выпрабаваньне ў КНДР, заявіўшы пра пагрозу іх нацыянальнай бясьпецы.

Рада Бясьпекі ААН, які сабралася ў сераду на экстраную нараду ў сувязі з інфармацыяй з Пхеньяну, назвала меркаванае ядзернае выпрабаваньне ў КНДР «відавочным парушэньнем» рэзалюцый Рады, якое нясе пагрозу глябальнага міру і бясьпецы. Радай Бясьпекі было абвешчана аб неадкладным пачатку працы над рэзалюцыяй, якая прадугледжвае ўзмацненьне жорсткасьці мер супраць Паўночнай Карэі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG