Лінкі ўнівэрсальнага доступу

Пуцін: Расея не аддасьць рускамоўных у Данбасе «на зядзеньне» нацыяналістам


Прэзыдэнт Расеі Ўладзімір Пуцін заявіў, што Масква «не пакіне рускамоўных людзей у паўднёва-ўсходняй Украіне на зядзеньне нацыяналістам. Гэта ня толькі рускія, але і іншыя рускамоўныя людзі, якія спадзяюцца на Расею».

Пуцін зрабіў гэтую заяву ў інтэрвію, якое ўвайшло ў дакумэнтальны фільм, падрыхтаваны каналам Расія-1 (ВГТРК).

Расейскія ўлады анэксавалі ўкраінскі паўвостраў Крым пасьля падзеньня рэжыму свайго саюзьніка ва Ўкраіне Віктара Януковіча ў 2013 годзе. Масква сьцьвярджала, што ўкраінскія нацыяналісты нібыта ўяўлялі пагрозу для рускамоўнага насельніцтва ў рэгіёне.

У пачатку 2015 у Менску пры пасярэдніцтве Францыі і Нямеччыны паміж украінскімі ўладамі і сэпаратыстамі было заключана мірнае пагадненьне. Аднак, паколькі менскія дамоўленасьці ня дзейнічаюць у поўнай меры, улады Эўразьвязу прынялі рашэньне аб працягу эканамічных санкцый у дачыненьні да Расеі. Ад пачатку канфлікту на паўднёвым усходзе Ўкраіны загінула больш за 9000 чалавек.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG