Лінкі ўнівэрсальнага доступу

Баец тактычнай групы «Беларусь» праводзіць выступы за мяжой


Фота суполкі «Згуртаваньне патрыётаў» у Фэйсбуку
Фота суполкі «Згуртаваньне патрыётаў» у Фэйсбуку

Выступ байца Яна Мельнікава прайшоў у Бэльгіі, у плянах — выступы ў Мюнхэне і Празе.

Ян Мельнікаў, баец тактычнай групы «Беларусь», якая аб’ядноўвае беларускіх байцоў Добраахвотніцкага ўкраінскага корпусу «Правага сэктару», праводзіць сустрэчы з прадстаўнікамі беларускай дыяспары ў краінах Эўропы. Першая сустрэча прайшла ў Антвэрпэне (Бэльгія).

«Мэта паездкі — ўсталяваньне кантактаў зь беларускай дыяспарай, інфармаваньне пра змаганьне ва Ўкраіне і збор сродкаў для беларускіх добраахвотнікаў, — распавёў Свабодзе баец Тактычнай групы „Беларусь“ Якуб Хмара. — Ян прысутнічае на сустрэчах адзін, усе астатнія хлопцы на фронце».

Фота суполкі «Згуртаваньне патрыётаў» у Фэйсбуку. Крайні справа - Ян Мельнікаў
Фота суполкі «Згуртаваньне патрыётаў» у Фэйсбуку. Крайні справа - Ян Мельнікаў

Наступныя сустрэчы маюць прайсьці 20 сьнежня ў Мюнхэне (Нямеччына) і каля 22 сьнежня ў Празе (Чэхія), дакладныя месцы і час стануць вядомыя пазьней на гэтым тыдні. Як кажа Якуб, можна дамовіцца і на сустрэчы ў іншых гарадах, калі тамтэйшыя беларускія дыяспары возьмуцца за арганізацыю.

«Ян Мельнікаў — баец Тактычнай групы „Беларусь“, паехаў на Майдан адразу пасьля сьмерці Міхася Жызьнеўскага і з тяго часу знаходзіцца ва Ўкраіне, — распавядае пра байца Якуб. — Прайшоў у шэрагах „Правага Сэктару“ ўвесь Майдан і вайну на Данбасе, удзельнічаў у абароне вёскі Пяскі, узнагароджаны мэдалём Украінскай праваслаўнай царквы Кіеўскага патрыярхату. Пра яго быў зьняты Белсатам фільм „Білорус“».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG