Лінкі ўнівэрсальнага доступу

Сьвятлана Алексіевіч атрымала Нобэлеўскую прэмію. Жывая трансьляцыя

абноўлена

Беларуская пісьменьніца атрымала Нобэлеўскую прэмію з рук швэдзкага караля Карла Густава ХVI.

Беларуская пісьменьніца атрымала Нобэлеўскую прэмію з рук швэдзкага караля Карла Густава ХVI. Чакаюцца дзьвюххвілінныя банкетныя прамовы кожнага зь ляўрэатаў.

Узнагароджаньне адбылося ў Стакгольмскай канцэртнай залі, пачатак у 18:30 паводле беларускага часу. Спачатку выступіў старшыня Нобэлеўскага камітэту Касі Кулман Файв, а потым кароль Швэцыі Карл Густаў ХVI уручыць кожнаму ляўрэату адмысловы мэдаль з выявай Альфрэда Нобэля і дыплём. А 21-й, паводле беларускага часу, — банкет у Блакітнай залі Стакгольмскай ратушы. «У банкетнай прамове будзе пра Беларусь», — сказала ляўрэатка Нобэлеўскай прэміі па літаратуры Сьвятлана Алексіевіч журналістам напярэдадні, 9 сьнежня, адказваючы на папрокі крытыкаў яе Нобэлеўскай лекцыі.

Празь ігнараваньне Нобэлеўскай прэміі Беларусь апынулася ў адным сьпісе з нацысцкай Нямеччынай, М’янмай і СССР. Паглядзіце, на каго з нобэлеўскіх ляўрэатаў не зьвярталі ўвагу іх дзяржавы.

Дзяржаўныя тэлеканалы праігнаравалі нобэлеўскую лекцыю Алексіевіч — праігнаруюць і цяперашнюю цырымонію. Падчас яе глядзіце навіны і «Зону ікс» на «Беларусь-1», сэрыял «Бафі» на «Беларусь-2», «Бацькавы дочкі» і Малахава на АНТ. А Нобэля давядзецца глядзець празь Youtube, на «Белсаце», альбо ў кавярнях і барах свайго гораду. Запрашала да сябе і амбасада ЗША ў Менску.

Праз паўгадзіны пачнецца ўрачыстая цырымонія ўзнагароджаньня ляўрэатаў Нобэлеўскай прэміі. Сярод тых, хто атрымае ўзнагароду з рук караля Швэцыі Карла Густава XVI будзе і пісьменьніца Сьвятлана Алексіевіч. Са Стакгольму перадае карэспандэнтка Свабоды Аляксандра Дынько.

XS
SM
MD
LG