Выказваньні Дональда Трампа, аднаго з прэтэндэнтаў ад Рэспубліканскай партыі на выбарах 2016 году ў прэзыдэнты ЗША, аб забароне на ўезд у Злучаныя Штаты мусульман, выклікалі асуджэньне ў Белым доме.
Паводле ацэнкі прэс-сакратара Белага дома Джоша Эрнэста, такія прапановы пазбаўляюць яго права быць прэзыдэнтам.
Прэс-сакратар Белага дома Джош Эрнэст сказаў, што прапановы «дыскваліфікуюць» Трампа, і заявіў, што яго перадвыбарная кампанія ўсе гэтыя месяцы «нагадвае пыльную скрыню гісторыі».
Трамп заявіў аб неабходнасьці татальна і цалкам зачыніць усім мусульманам уезд у ЗША пакуль улады не разьбяруцца ў тым, што адбываецца. 7 сьнежня Трамп прапанаваў такі захад у якасьці спосабу паляпшэньня нацыянальнай бясьпекі пасьля масавага расстрэлу на мінулым тыдні ў Каліфорніі, зробленага мусульманскай парай.
