Лінкі ўнівэрсальнага доступу

У Маскве закрыты расейска-турэцкі навуковы цэнтар


Расейска-турэцкі навуковы цэнтар пры Ўсерасейскай бібліятэцы замежнай літаратуры ў Маскве паведаміў аб сваім закрыцьці. У яго звароце да чытачоў гаворыцца, што цэнтра ў бібліятэцы больш не існуе.

Курсы асманскай мовы спыняюцца, аказваць дапамогу асьпірантам і магістрантам мы таксама ня зможам, адзначаецца ў паведамленьні. Натуральна, усе плянаваныя круглыя сталы, лекцыі і канфэрэнцыі адмяняюцца, бібліятэчным фондам скарыстацца таксама больш ня ўдасца.

Пра прычыны закрыцьця цэнтра супрацоўнікам цэнтра невядома. Просьба па камэнтары зьвяртацца ў адміністрацыю Ўсерасейскай дзяржаўнай бібліятэкі замежнай літаратуры, гаворыцца ў заяве. Супрацоўнікі цэнтра выказваюць падзяку ўсім, хто падтрымліваў Цэнтар ўсе гэтыя гады.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG