Лінкі ўнівэрсальнага доступу

У Слуцку адзначаюць 95-я ўгодкі Слуцкага збройнага чыну


28 лістапада ў Слуцку адзначаюць 95-я ўгодкі Слуцкага збройнага чыну. Слуцкі райвыканкам дазволіў правесьці ў Слуцку 28 лістапада ўрачыстую дэманстрацыю і мітынг з нагоды 95-й гадавіны Слуцкага збройнага чыну.

У суботу раніцай зь Менску ў Слуцак выправіліся каля 60 актывістаў партыі Беларускага народнага фронту «Адраджэньне», «Маладога Фронту», рухаў «За Свабоду», «Разам». У Слуцак едуць старшыня партыі БНФ Аляксей Янукевіч, намесьнік старшыні Рыгор Кастусёў, маладафронтаўцы Зьміцер Дашкевіч, Мікола Дземідзенка ды іншыя.

Кіраўнікі партыі БНФ Аляксей Янукевіч і Рыгор Кастусёў
Кіраўнікі партыі БНФ Аляксей Янукевіч і Рыгор Кастусёў
У Грозава прыехалі і маладафронтаўцы. Разгарнулі сьцягі
У Грозава прыехалі і маладафронтаўцы. Разгарнулі сьцягі

Першым прыпынкам стала вёска Грозава, дзе фармаваўся грозаўскі полк паўстанцаў. У Грозаве актывістаў сустрэлі міліцыянты ў чыне маёраў з Капыльскага РАУС, якія не дазволілі ўдзельнікам акцыі памяці разгарнуць бел-чырвона-белыя сьцягі, а таксама адзьнялі ўсіх на відэа. Актывісты прасьпявалі «Магутны Божа» і выправіліся далей. Наступныя пункты прыпынку — вёскі Семежава і Чырвоная Слабада.

Актывісты зь Менску
Актывісты зь Менску
На акцыі ў Грозаве: міліцыянты забаранілі сьцягі. Згарнулі. Людзі сьпяваюць "Магутны Божа" і "Жыве Беларусь!"
На акцыі ў Грозаве: міліцыянты забаранілі сьцягі. Згарнулі. Людзі сьпяваюць "Магутны Божа" і "Жыве Беларусь!"

Галоўная імпрэза адбудзецца ў Слуцку, дзе да менчукоў далучацца мясцовыя актывісты. Збор а 14:30 каля будынку Слуцкага краязнаўчага музэю. Адтуль калёна будзе рушыць па ходніках да гарадзкога парку культуры і адпачынку на вуліцы Віленскай, дзе мае адбыцца ўрачысты мітынг ушанаваньня памяці ўдзельнікаў Слуцкага паўстаньня 1920 году.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG