АФІША
Менск. У Палацы Мастацтваў (вуліца Казлова, 3) — адкрыцьцё дакумэнтальна-мастацкай выставы «Праўда пра Курапаты. Факты, дакумэнты, сьведчаньні». Пачатак а 17-й гадзіне.
Менск. У сядзібе Таварыства Беларускай Мовы (вуліца Румянцава, 13) — прэзэнтацыя Зборніка матэрыялаў Міжнароднай навукова-практычнай канфэрэнцыі «Моўныя правы і іх абарона» у 2-х тамах. Пачатак а 16.30
У ГІСТОРЫІ
1915 — у Вільні адкрылася першая беларуская пачатковая школа. Заснавала яе Таварыства дапамогі пацярпелым ад вайны. Маршалкам Таварыства быў Вацлаў Іваноўскі, а ягонымі намесьнікамі — Антон Луцкевіч і Вацлаў Ластоўскі. Неўзабаве такіх школак будзе адкрыта дзясяткі, а праз чатыры гады пачне працу славутая Віленская беларуская гімназія.
1919 — генэрал Станіслаў Булак-Балаховіч падаў заяву пра пераход са сваім атрадам на службу БНР.
1920 — пачалося Слуцкае ўзброенае паўстаньне за аднаўленьне незалежнасьці БНР, у часе якога Случчына была абвешчана тэрыторыяй БНР.
1922 — у Вялікабрытаніі пачала вяшчаць радыёкампанія Бі-Бі-Сі. 1926 — у Менску пачалася 1-я Беларуская акадэмічная канфэрэнцыя ў пытаньнях рэформы беларускага правапісу і азбукі.
У гэты дзень нарадзіліся:
1757 — Казімір Нестар Сапега, дзяржаўны і вайсковы дзяяч Вялікага Княства Літоўскага, удзельнік паўстаньня Тадэвуша Касьцюшкі.
1836 — Яраслаў Дамброўскі, адзін з кіраўнікоў паўстаньня 1863 году, які па дарозе на катаргу ў Сібір здолеў уцячы, стаў генэралам Парыскай камуны і загінуў у баі з вэрсальцамі
1840 — Клёд Манэ, францускі мастак-імпрэсіяніст.
1881 — Аляксей Кайгарадаў, акадэмік, кліматоляг і геафізык.
1900 — Нічыпар Чарнушэвіч, беларускі паэт.
1907 — Астрыд Ліндгрэн, швэдзкая дзіцячая пісьменьніца, аўтарка кніжак пра Малога і Карлсана.
1933 — Леанід Пракопчык, беларускі краязнавец і пісьменьнік.
1950 — Уладзімер Кін-Камінскі, беларускі актор.
У гэты дзень памерлі:
1359 — Рыгор Палама, бізантыйскі праваслаўны багаслоў.
1398 — Андрэй Васіла, першы віленскі біскуп.
1716 — Готфрыд Лейбніц, нямецкі матэматык і філёзаф.
1831 — Георг Гегель, нямецкі філёзаф.
1986 — Мікола Ўлашчык, беларускі гісторык і археограф.
