Лінкі ўнівэрсальнага доступу

«Джон Сільвэр» эміграваў зь Беларусі ва Ўкраіну пасьля арышту і псыхушкі


Ананімны стваральнік сайта 1863x.com распавёў Свабодзе, як яго затрымлівалі спэцслужбы.

У траўні стваральнік скандальнага сайту 1863x.com «Джон Сільвэр», сапраўднае імя якога чытачам не вядомае, перастаў выходзіць на сувязь у сацсетках. Праз два тыдні знаёмыя забілі трывогу, а яшчэ праз два тыдні ён зьявіўся і патлумачыў сваю адсутнасьць кансьпірацыяй у сувязі з тым, што яго перасьледавала ФСБ Расеі.

Толькі праз паўгода ён распавёў, куды насамрэч прападаў у той час. Як выявілася, яго затрымалі беларускія спэцслужбы, завялі дзьве крымінальныя справы і на месяц пасадзілі ў псыхлякарню. Цяпер ён пакінуў Беларусь і знаходзіцца ў бясьпецы. «Джон Сільвэр» даў Свабодзе першае эксклюзіўнае інтэрвію.

— Раскажы, за што цябе затрымалі?

— Супраць мяне распачалі дзьве крымінальныя справы: гэта артыкул 130 ч. 1 (распальваньне расавай, нацыянальнай, рэлігійнай варожасьці) і артыкул 343 ч.2 (распаўсюджваньне парнаграфіі). Ім не спадабаўся артыкул пад назвай «Забіць рускі сьвет».

— Цябе затрымалі за крытыку «рускага сьвету»?

— Ня толькі. Яшчэ і за падтрымку Ўкраіны. Большасьць артыкулаў, у якіх шукалі экстрэмізм, былі прысьвечаныя ёй. Напрыклад, гэты: «5 прычынаў, дзеля якіх Украіна пераможа РФ».

— Куды ты зьехаў з Беларусі? І чаму?

Я зьехаў ва Ўкраіну перад выбарамі, бо зь дзьвюма крымінальнымі справамі шанцы, што я застануся на волі, былі вельмі малыя.

— Я зьехаў ва Ўкраіну перад выбарамі, бо зь дзьвюма крымінальнымі справамі шанцы, што я застануся на волі, былі вельмі малыя. Пры гэтым справа да суду магла ісьці доўга, і мне трэба было рабіць выбар — альбо сядзець ціха, альбо працягваць сваю справу далей. Ва Ўкраіну зьехаў, бо гэта маральна правільна. Большасьць артыкулаў, да якіх мела прэтэнзіі сьледзтва, тычыліся ўкраінскай тэматыкі.

— А як цябе знайшлі?

— Я ня ведаю. Хутчэй за ўсё, уключыў ня тую сімку, ня там, дзе трэба.

— Цябе пасадзілі ў псыхіятрычную лякарню. Навошта? І як там было?

— Гэта была судова-псыхіятрычная экспэртыза. Мяне накіравалі ў Навінкі. Экспэрт мне адразу даў зразумець, што я нармальны, але абсьледаваньне будзе доўжыцца каля месяца. У бытавым і маральным пляне там, вядома, ня вельмі прыемна знаходзіцца. Ты адрэзаны ад сьвету, ды яшчэ нам гарачую ваду адключылі, таму штотыднёвая лазьня ў мяне ператварылася ў штомесячную. Лякарня нагадвала турму. Ёсьць міліцэйская ахова, камэры зь мікрафонамі, санітары. Але ніякай тэхнікі. Не было ні тэлевізара, ні радыё.

— Ты не баісься за наступствы?

Страх ёсьць, але не за сябе. Страшней, калі ты можаш нанесьці шкоду блізкім.

— Страх ёсьць, але не за сябе. Страшней, калі ты можаш нанесьці шкоду блізкім. Я не баяўся суду па першай справе, нават разумеючы, што нармальнага правасудзьдзя ў Беларусі няма. Але калі я зразумеў, што мне будуць «шыць» парнаграфію, замест страху прыйшла злосьць. Пасьля допытаў у маёй нявесты зьявіліся сівыя валасы.

— Ты будзеш і далей займацца сваёй дзейнасьцю?

— Так, Сьледчы камітэт і спэцслужбы не пакінулі мне выбару. Яны зламалі маё звыклае жыцьцё, праехаліся сілавым катком, адабралі ўсю тэхніку і грошы. Цяпер у мяне застаўся толькі сайт.

— Ты плянуеш вяртацца ў Беларусь?

— У Беларусь вярнуся пры першай магчымасьці. Альбо калі ўсё будзе вельмі дрэнна, альбо калі ўсё вельмі добра.

Поўная гісторыя тут.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG