Лінкі ўнівэрсальнага доступу

Мітынг да гадавіны Слуцкага збройнага чыну заплянаваны на 28 лістапада


Мітынг да гадавіны Слуцкага збройнага чыну, архіўнае фота 2013 году

Заяўку на правядзеньне акцыі з нагоды 95-х угодкаў Слуцкага збройнага чыну падалі ў Слуцкі райвыканкам старшыня Партыі БНФ Аляксей Янукевіч і кіраўнік слуцкай арганізацыі партыі Віталь Амяльковіч.

Дэманстрацыю і мітынг плянуецца правесьці ў Слуцку 28 лістапада, паведамляе сайт Партыі БНФ.

Як адзначае лідэр Партыі БНФ Аляксей Янукевіч, паводле заканадаўства, цяпер забаронена да атрыманьня дазволу ўладаў паведамляць пра канкрэтныя час і месца правядзеньня масавых мерапрыемстваў:

Аляксей Янукевіч
Аляксей Янукевіч

«У мінулым годзе ўлады забаранілі правядзеньне мітынгу да гадавіны Слуцкага паўстаньня, таксама ў мінулым годзе чыніўся адміністратыўны перасьлед удзельнікаў і арганізатараў традыцыйных восеньскіх акцыяў нацыянальна-дэмакратычных сілаў (Дзень памяці паўстанцаў 1863 году ў Сьвіслачы, Дзяды). Паглядзім, як паўплывае нядаўняе рашэньне Эўразьвязу пра прыпыненьне санкцыяў супраць беларускіх чыноўнікаў на палітыку ўладаў у дачыненьні да арганізатараў масавых акцыяў. Як вядома, умовы для правядзеньня мірных сходаў зьяўляюцца адным з парамэтраў, паводле якіх праз чатыры месяцы Эўразьвяз будзе ацэньваць сытуацыю ў Беларусі і прымаць рашэньне адносна далейшага дзеяньня прыпыненых санкцыяў», — сказаў Янукевіч.

Рашэньне пра дазвол на правядзеньне акцыі Партыі БНФ у Слуцку павінна быць прынятае райвыканкамам не пазьней за 23 лістапада.

Ваша меркаваньне

Паказаць камэнтары

XS
SM
MD
LG