Лінкі ўнівэрсальнага доступу

Статкевіч заклікае ўшанаваць ахвяраў сталінскіх рэпрэсіяў пад сьценамі КДБ


Экс-кандыдат у прэзыдэнты на выбарах 2010 году, былы палітзьняволены Мікола Статкевіч заклiкае неабыякавых грамадзянаў сабрацца 29 кастрычніка а 18.30 ля сьценаў будынкаў Камітэту дзяржбясьпекі i Мiнiстэрства ўнутраных спрау ў Менску, каб са сьвечкамi у руках стварыць ланцуг памяцi ахвяраў сталiнiзму i нагадаць нашчадкам iх катаў пра адказнасьць за тыя злачынствы.

На сваёй старонцы ў Фэйсбуку Мікола Статкевіч напісаў:

«29 кастрычнiка — чорная дата беларускай гiсторыi. У гэты дзень у 1937 годзе супрацоўнікі НКВД расcтралялі больш за 100 дзеячаў нашай культуры, пераважна пiсьменьнiкаў.

Сталiнскiя каты ведалi, што рабiлi. Менавiта „людзi слова“ ствараюць духоўны падмурак нацыi, безь якога яна пераўтвараецца у статак. Мы вiнаватыя перад нашымi пакутнiкамi, бо каты, якiя зьнiшчылi iх ды сотнi тысячаў iншых беларусаў, дагэтуль не асуджаныя i лiчацца героямi. Таму сучасныя нашчадкi катаў сьмела iдуць iх шляхам. Зноў яны ў сваiх турмах катуюць патрыётаў Беларусi. Калi грамадзтва забываецца на свае трагедыi, яны могуць паўтарацца.

Заклiкаю тых, хто гатовы, прыйсьцi ўвечары 29 кастрычніка да будынкаў КДБ i МУС на праспэкце Скарыны (цяпер праспэкт Незалежнасьці), каб стварыць ланцуг памяцi ахвяраў сталiнiзму».

Глядзець камэнтары (14)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG