Лінкі ўнівэрсальнага доступу

Афіцыйныя папярэднія вынікі: Лукашэнка 83,49%, супраць усіх 6,4%, Караткевіч 4,42%


Паводле ЦВК, у прэзыдэнцкіх выбарах узялі ўдзел 86,75% выбарцаў, у тым ліку датэрмінова - 36,05%.

Дзейны кіраўнік Беларусі Аляксандар Лукашэнка на выбарах прэзыдэнта дзяржавы, паводле папярэдніх падлікаў, набраў 83,49% галасоў выбарцаў, паведаміла кіраўнік Цэнтравыбаркаму краіны Лідзія Ярмошына ў ноч на панядзелак.

Яна таксама паінфармавала, што за кандыдата на вышэйшую палітычную пасаду краіны Тацяну Караткевіч, актывістку кампаніі "Гавары праўду!", прагаласавала 4,42% выбарцаў, за старшыню Лібэральна-дэмакратычнай партыі Беларусі Сяргея Гайдукевіча - 3,32%, за вярхоўнага атамана "беларускага казацтва" Мікалая Улаховіча - 1,67% выбаршчыкаў.

Супраць усіх прагаласавала 6,4% выбарцаў, паведаміла Л.Ярмошына.

У Берасьцейскай вобласьці за Лукашэнку прагаласавала 86,27% выбарцаў, Караткевіч - 5,32%, Гайдукевіча - 2,34%, Улаховіча - 1,17%.

У Віцебскай вобласьці за Лукашэнку прагаласавала 87,3% выбарцаў, Гайдукевіча - 3,95%, Караткевіч - 3,56%, Улаховіча - 1,4%.

У Гомельскай вобласьці за Лукашэнку прагаласавала 87,79% выбарцаў, Гайдукевіча - 4,23%, Караткевіч - 2,27%, Улаховіча - 1,69%.

У Гарадзенскай вобласьці за Лукашэнку прагаласавала 85,89% выбарцаў, Караткевіч - 4,75%, Гайдукевіча - 2,28%, Улаховіча - 1,03%.

У Менскай вобласці за Лукашэнку прагаласавала 85,73% выбарцаў, Караткевіч - 4,41%, Гайдукевіча - 3,21%, Улаховіча - 2,17%.

У Магілёўскай вобласьці за Лукашэнку прагаласавала 88,29% выбарцаў, Гайдукевіча - 3,66%, Караткевіч - 3,46%, Улаховіча - 1,07%.

У Менску за Лукашэнку прагаласавала 65,58% выбарцаў, Караткевіч - 6,99%, Гайдукевіча - 3,35%, Улаховіча - 2,74%.

Супраць усіх у Берасьцейскай вобласьці прагаласавала 4,3%, Віцебскай - 3,19%, Гомельскай - 3,18%, Гарадзенскай - 4,95%, Менскай - 3,97%, Магілёўскай - 2,75%, Менску - 20,6%.

Цэнтравыбаркам плянуе падвесьці канчатковыя вынікі прэзыдэнцкіх выбараў на пасяджэньні 16 кастрычніка.

Глядзець камэнтары (7)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG