Лінкі ўнівэрсальнага доступу

У МУС Украіны паведамілі аб пачатку акцыі па гандлёвым блякаваньні Крыма


Прапускны пункт "Чаплінка"

На мяжы Херсонскай вобласьці Ўкраіны і Рэспублікі Крым апоўдні нядзелі стартавала «бестэрміновая грамадзянская акцыя крымскіх татараў і грамадзкіх актывістаў» па гандлёвым блякаваньні паўвострава, паведамляе дарадца кіраўніка МУС Украіны Зоран Шкірак.

«На прапускных пунктах Чонгар, Чаплінка, Каланчак пачалася блякада грузавікоў, якія накіроўваліся на паўвыспу», — напісаў ён на сваёй старонцы ў фэйсбуку ў нядзелю каля поўдня.

Паводле ягоных словаў, спэцпадразьдзяленьне Ўпраўленьня МУС у Херсонскай вобласьці, батальён «Херсон» забясьпечвае ахову грамадзкага парадку падчас правядзеньня акцыі, з мэтай недапушчэння якіх-небудзь правакацый.

Як перадае карэспандэнт УНІАН, «Самаабарона» Скадоўска перакрыла дарогу ў 6 кілямэтрах ад кантрольнага пункта ўезду-выезду «Каланчак». Актывісты не прапускаюць грузавы транспарт ні ў Крым, ні ў зваротным кірунку. «Мы не прапусцім ні адну грузавую машыну. Гэтыя дзялкі робяць свой бізнэс, пакуль нашы хлопцы стаяць у акопах», — заявіў сотнік скадовскай «Самаабароны» Уладзімер Курык.

Актывісты ходзяць па пешаходным пераходзе, блякуючы тым самым рух па праезнай частцы. На месцы прысутнічаюць супрацоўнікі ДАІ і памежнай службы, але ў тое, што адбываецца, н ўмешваюцца. Актывісты чакаюць прыезду прадстаўнікоў Мэджліса на чале з Рыфатом Чубаравым і Мустафой Джэмілевым. Паводле інфармацыі каардынацыйнай рады акцыі, праз адміністрацыйную мяжу будуць бесперашкодна прапускацца пешаходы і легкавы транспарт. У першы дзень блякавання мяжы з акупаваным Крымам возьмуць удзел па меншай меры тысяча чалавек, заявіў кіраўнік Мэджлісу крымскататарскага народа Рыфат Чубараў.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG