Лінкі ўнівэрсальнага доступу

Віктар Ганчарэнка будзе працаваць у маскоўскім ЦСКА


Віктар Ганчарэнка

Вядомы беларускі футбольны трэнэр Віктар Ганчарэнка ўвайшоў у трэнэрскі штаб маскоўскага ЦСКА.

«У цяперашняй сытуацыі, калі нашаму трэнэрскаму штабу прыходзіцца працаваць, па сутнасьці, на „чатыры фронту“, кіраўніцтва ПФК ЦСКА палічыла, што камандзе патрэбна падтрымка. І мы ўдзячныя Віктару Міхайлавічу, які прыняў прапанову нашага клюбу», — гаворыцца ў паведамленьні на афіцыйным сайце ЦСКА.

38-гадовы Ганчарэнка атрымаў вядомасьць як трэнэр БАТЭ. З барысаўскім клюбам ён 6 разоў выйграваў чэмпіянат Беларусі і некалькі разоў выводзіў клюб у Лігу чэмпіёнаў. Затым Ганчарэнка працаваў у расейскіх клюбах «Кубань» і «Урал». Маскоўскі ЦСКА зараз лідзіруе ў чэмпіянаце Расеі і зьяўляецца ўдзельнікам групавога турніру Лігі чэмпіёнаў. Галоўны трэнэр ЦСКА Леанід Слуцкі таксама ўзначальвае зборную Расеі.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG