Лінкі ўнівэрсальнага доступу

ЦВК зарэгістравала чатырох кандыдатаў на прэзыдэнта

абноўлена

Пасьведчаньне №1 атрымала Тацяна Караткевіч — першая жанчына-кандыдат у прэзыдэнты ў гісторыі Беларусі.

Цэнтарвыбаркам 10 верасьня зарэгістраваў чатырох кандыдатаў на прэзыдэнта — Сяргея Гайдукевіча, Тацяну Караткевіч, Аляксандра Лукашэнку, Мікалая Улаховіча.

Пасьведчаньне №1 атрымала Тацяна Караткевіч — першая жанчына-кандыдат у прэзыдэнты ў гісторыі Беларусі.

Аляксандар Лукашэнка на ўручэньне пасьведчаньняў не прыйшоў.

11:48 10.9.2015

Гайдукевіча сустракаюць 30 чалавек зь вялізным букетам ружаў

Каля 30 чалавек будуць вітаць кандыдата ў прэзыдэнты Сяргея Гайдукевіча. Пікет у яго падтрымку адбываецца перад пачаткам рэгістрацыі кандыдатаў у Доме ўраду.

Як перадае карэспандэнт Радыё Свабода, на пікетчыках — майкі з партрэтам Сяргея Гайдукевіча. Калі будзе абвешчана рашэньне пра рэгістрацыю, удзельнікі пікету маюць паднесьці Гайдукевічу вялізны букет ружаў.

12:07 10.9.2015

У чаканьні кандыдатаў каля Дому ўраду

12:07 10.9.2015

Зьнік кіраўнік выбарчага штабу Віктара Цярэшчанкі

Пра гэта журналістам паведаміў у Доме ўраду сябра выбарчага штабу Віктара Цярэшчанкі Сяргей Скрабец.

Паводле Скрабца, Алег Несьцяркоў зьнік тыдзень таму, яго тэлефон выключаны. Сябры і паплечнікі Алега Несьцяркова рыхтуюцца зьвяртацца ў міліцыю.

12:24 10.9.2015

Адкрыла паседжаньне старшыня ЦВК Лідзія Ярмошына. Выступаюць старшыні абласным камісіяў, яны даюць справаздачы па праверцы подпісаў.

12:25 10.9.2015

Лукашэнка, Улаховіч, Караткевіч, Гайдукевіч. 4 пасведчаньні на стале ў ЦВК.

12:27 10.9.2015

Старшыні камісіяў: Цярэшчанка сфальшаваў шмат подпісаў

Выступілі старшыні Берасьцейскай, Віцебскай, Гарадзенскай абласьцей. Усе падкрэсьліваюць, што за Віктара Цярэшчанку было вельмі шмат сфальшаваных подпісаў.

12:37 10.9.2015

Да будынку ЦВК прыйшло 15 актывістаў кампаніі «Гавары праўду», будуць сустракаць Тацяну Караткевіч. Узьнялі бел-чырвона-белы сьцяг і сьцяг кампаніі.

12:46 10.9.2015
Мікалай Лазавік
Мікалай Лазавік

12:50 10.9.2015

Лазавік: Трэба зрабіць працэдуру подпісаў яшчэ больш лібэральнай

Сакратар ЦВК Мікалай Лазавік узяў слова, сказаў, што трэба рабіць працэдуру збору подпісаў яшчэ больш лібэральнай, каб усе змаглі сабраць неабходную колькасьць подпісаў.

«Трэба прыбраць з заканадаўства перашкоды, якія яшчэ там ёсьць», — сказаў Лазавік.

12:58 10.9.2015

У Менску за Лукашэнку сфальшавалі 151 подпіс

Выступае старшыня менскай гарадзкой выбарчай камісіі Дзьмітрый Шаўцоў. Адзначае вялікую актыўнайсьць у сталіцы, а таксама кажа пра незаконны распаўсюд агітацыйных матэрыялаў за Анатоля Лябедзьку.

Адзначаецца, што ў Менску было зафіксавана толькі 151 несапраўдны подпіс за дзейнага прэзыдэнта Аляксандра Лукашэнку.

13:04 10.9.2015

13:06 10.9.2015

Шаўцоў: За Лукашэнку не прымушалі падпісвацца

Паводле прадстаўніка Менскага гарадзкога выбаркаму Дзьмітрыя Шаўцова, факты прымусу падпісвацца за Лукашэнку на менскіх прадпрыемствах ня маюць свайго пацьверджаньня. Кіраўніцтва прадпрыемстваў, кажа Шаўцоў, не пацьвердзіла гэтыя факты.

13:06 10.9.2015

13:08 10.9.2015

Прагаласавалі адзінагалосна

Пастанова па рэгістрацыі кандыдатамі ў прэзыдэнты Сяргея Гайдукевіча, Тацяны Караткевіч, Аляксандра Лукашэнкі і Мікалая Ўлаховіча сябрамі камісіі прынятая адзінагалосна.

13:15 10.9.2015

Раманоўская прачытала “Малітву”

Надзея Раманоўская здала на праверку 779 подпісаў, але іх нават не правяралі. Сама Раманоўская сказала, што хоча атрымаць афіцыйны дакумэнт пра тое, што яна зьбірала подпісы. Падзякавала ўсім падпісантам і сябрам ЦВК, а таксама прачытала “Малітву” Мулявіна.

13:20 10.9.2015

Раманоўская: Ня ўсе былі ў роўных умовах

Надзея Раманоўская, якой адмовілі ў рэгістрацыі па прычыне недастатковай колькасьці подпісаў, пачала распавядаць гісторыю пра сваю кватэру, але Ярмошына яе спыніла. Надзея Раманоўская сказала, што ня ўсе кандыдаты былі ў роўных умовах.

13:23 10.9.2015

13:32 10.9.2015

Цярэшчанку не зарэгістравалі

Разглядаюць пытаньне па рэгістрацыі Віктара Цярэшчанкі. Усяго за яго здадзена 130 852 подпісы. Праверана 123 749. Даставернымі прызнаныя 6699 подпісаў. Сябры ЦВК прагаласавалі за тое, каб адмовіць у рэгістрацыі Віктара Цярэшчанкі ў якасьці кандыдата ў прэзыдэнты.

13:36 10.9.2015

Караткевіч — кандыдат № 1

Першай дакумэнты для рэгістрацыі падала Тацяна Караткевіч. Таму яе кандыдатуру разглядаюць першай. Мікалай Лазавик дакладае: «Кандыдатура Тацяны Мікалаеўны цалкам задавальняе патрабаваньням, ніякіх парушэньняў ня выяўлена». За яе прызнана 105 278 подпісаў.

Пастанова па рэгістрацыі Караткевіч прынятая адзінагалосна. Тацяна атрымала пасьведчаньне нумар 1.

Тацяна Караткевіч паціснула руку Лідзіі Ярмошынай. Выступае кандыдатка па-расейску.

13:36 10.9.2015

Загрузіць яшчэ

XS
SM
MD
LG