Лінкі ўнівэрсальнага доступу

Ужо сёньня, 10 верасьня: Рэгістрацыя кандыдатаў у прэзыдэнты, дэлегацыя ПАРЭ, пікет Статкевіча, прэзэнтацыя беларускамоўнай гішпанскай паэткі


Толькі мая Беларусь. Беларускае золата, Любча.
Толькі мая Беларусь. Беларускае золата, Любча.

Падзеі і даты сёньняшняга дня ў Беларусі, сьвеце, гісторыі.

Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com.Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

АФІША

Цэнтральная выбарчая камісія мае зарэгістраваць кандыдатаў у прэзыдэнты. Паводле ЦВК, патрэбныя для рэгістрацыі 100 тысяч подпісаў вабарцаў здалі Сяргей Гайдукевіч, Тацяна Караткевіч, Аляксандар Лукашэнка і Мікалай Улаховіч

Беларусь наведвае дэлегацыя Парлямэнцкай асамблеі Рады Эўропы. Яе ўзначальвае армянскі дэпутат Арпінэ Хаванісян. Мэта візыту — ацэнка перадвыбарнай кампаніі і палітычнага клімату напярэдадні прэзыдэнцкіх выбараў, прызначаных на 11 кастрычніка.

З 12.00 да 14.00 у офісе Аб’яднанай грамадзянскай партыі (вул. В. Харужай, 22-1701) пройдзе круглы стол на тэму «Выбарчая кампанія-2015: ацэнкі і высновы». Удзельнічаюць лідэры і прадстаўнікі БХД, Руху Някляева, аргкамітэту БСДП (Народная Грамада) Мікалая Статкевіча, БСДГ Ірыны Вештард, АГП, аргкамітэту партыі працоўных Аляксандра Бухвостава.

Тамсама, у Цэнтральным офісе АГП а 18-й гадзіне пройдзе традыцыйная нефармальная сустрэча членаў партыі прыхільнікаў «Гарбата-кава-АГП». Тэма сустрэчы — Эканамічны цуд РБ і яго наступствы. На ўсе пытаньні па гэтай тэме адкажа прафэсар Станіслаў Багданкевіч.

Тымчасам а 18-й гадзіне каля ГУМу ў Менску пройдзе пікет «За сумленныя свабодныя выбары», у якім прымаюць удзел Мікалай Статкевіч, Анатоль Лябедзька, Уладзімер Някляеў, Павел Севярынец.

У кнігарні логвінаЎ (Незалежнасці 37а) адбудзецца прэзэнтацыя іспанскай паэткі Анхелы Эспіносы Руіс, якая напісала па-беларуску зборнік паэзіі «Раяль ля мора». У прэзэнтацыі празь відэамост возьме ўдзел аўтарка, а таксама Міхась Баярын і рэдактар кнігі Кірыла Камароўскі. Пачатак а 19-й гадзіне.

У ГІСТОРЫІ

1894 — у Лёндане аштрафаваны першы кіроўца аўто за язду ў п’яным выглядзе — таксіст Джордж Сміт. Штраф склаў 1 фунт стэрлінгаў.

1919 — падпісаньне Сэн-Жэрмэнскай мірнай дамовы паміж краінамі Антанты і новастворанай рэспублікай Аўстрыяй, дамова зафіксавала падзел Аўстра-Вугорскай імпэрыі.

1972 — Генрых Бёль атрымаў Нобэлеўскую прэмію ў галіне літаратуры.

1990 — пачалася ўстаноўчая канфэрэнцыя Згуртаваньня беларусаў сьвету «Бацькаўшчына».

1996 — ААН зацьвярджае Дамову аб усёабдымнай забароне ядзерных выпрабаваньняў.

У гэты дзень нарадзіліся:

1809 — Аляксандар Рыпінскі, беларускі паэт.

1893 — Аляксандар Ляўданскі, беларускі гісторык і археоляг. Арганізатар першых навукова-археалягічных экспэдыцый у БССР. Арыштаваны 19 траўня 1937, расстраляны НКВД. Рэабілітаваны ў 1958.

1897 — Жорж Батай, францускі філёзаф і пісьменьнік.

1903 — Іван Клімаў, партыйны і дзяржаўны дзяяч БССР. Адзін з арганізатараў дэпартацыі ў Сібір у 1939 годзе тысячаў віленскіх інтэлігентаў.

1923 — Мікола Бірыла, беларускі мовазнаўца, акадэмік. Асноўныя навуковыя працы датычылі беларускай дыялекталёгіі, сучаснай беларускай літаратурнай мовы і культуры мовы.

1929 — Яўген Глебаў, беларускі кампазытар.

1931 — Рэнальд Кныш, беларускі трэнэр па спартыўнай гімнастыцы. Сярод выхаванцаў — алімпійскія чэмпіёнкі Вольга Корбут, Алена Валчэцкая.

1977 — Віктар Ганчарэнка, беларускі футбаліст і трэнэр па футболе.

У гэты дзень памерлі

1916 — Аляксандар Ельскі, беларускі пісьменьнік, гісторык, этнограф, краязнавец

ЦЫТАТА

Усе людзі браты, нават калі яны ворагі.

Генрых Бёль

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG