Беларускія памежнікі ды мытнікі правяраюць цягнікі, аўтобусы і аўтамабілі з Украіны, мужчын распытваюць, ці не заўзятары яны, ды перапісваюць іх дадзеныя ў нейкія сьпісы.
5 верасьня ў Львове адбыўся футбольны матч Беларусь-Украіна. Перад матчам адбыўся супольны марш украінскіх ды беларускіх фанатаў пад лёзунгамі салідарнасьці. Паведамлялася, што больш за тысячу квіткоў на стадыёне было выкуплена беларусамі. Матч завяршыўся зь лікам 3:1 на карысьць Украіны.
