Лінкі ўнівэрсальнага доступу

Расея патрапіла пад новыя санкцыі ЗША


Выпрабаваньне іранскай балістычнай ракеты

Злучаныя Штаты ўводзяць санкцыі за незаконны экспарт ваенных тэхналёгіяў, пад якія патрапілі фірмы з Расеі, Кітая, Судана, Турцыі і ААЭ.

Адміністрацыя Барака Абамы ўводзіць санкцыі ў дачыненьні да шэрагу расейскіх юрыдычных асобаў, якія парушылі заканадаўства ЗША ў галіне нераспаўсюджваньня зброі масавага паражэньня. Гаворка ідзе пра пакараньне за пастаўкі ядзерных і ракетных тэхналёгіяў Ірану, Паўночнай Карэі і Сырыі. Гэтыя захады могуць уступіць у сілу ўжо ў сераду.

Аб’ектамі санкцыяў сталі такія расейскія прадпрыемствы, як тульскае Канструктарскае бюро прыборабудаваньня «Катод», «НВА машынабудаваньня», «Расабаронэкспарт», карпарацыя «МіГ», а таксама ўсе іх пераемнікі, падразьдзяленьні і даччыныя структуры.

Адначасова, санкцыі за парушэньне амэрыканскага заканадаўства ўведзеныя ў дачыненьні да юрыдычных асобаў у Кітаі, Судане, Турцыі і Аб’яднаных Арабскіх Эміратах.

Усім урадавым установам ЗША, згодна з правіламі, забаронена мець якія-кольвек дзелавыя сувязі з згаданымі кампаніямі за выключэньнем асаблівых выпадкаў, якiя вызначаюцца дзяржаўным дэпартамэнтам. Акрамя таго, амэрыканскім прадпрыемствам ня будуць выдавацца новыя ліцэнзіі на перадачу гэтым кампаніям прадукцыі стратэгічнага прызначэньня.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG