Паводле апошніх дадзеных, за вылучэнне кандыдатам у прэзыдэнты Аляксандра Лукашэнкі сабрана больш за 1,7 млн. подпісаў, паведаміў у эфіры тэлеканалу СТВ Міхаіл Орда — кіраўнік ініцыятыўнай групы Лукашэнкі, старшыня Фэдэрацыі прафсаюзаў Беларусі.
Тры дні таму ў гутарцы з выканаўчым сакратаром Садружнасьці незалежных дзяржаў Сяргеем Лебедзевым Лідзія Ярмошына гаварыла пра мільён.
У падтрымку вылучэньня кандыдатам у прэзыдэнты старшыні Лібэральна-дэмакратычнай партыі Сяргея Гайдукевіча ў тэрытарыяльныя выбарчыя камісіі здадзена 141 тысяча подпісаў, паведамілі БелаПАН у прэс-службе партыі.
Падала подпісы для рэгістрацыі кандыдатам у прэзыдэнты і беспрацоўная Жана Раманоўская, якая, аднак, не раскрывае іх колькасьць.
Збор ініцыятыўнымі групамі подпісаў у падтрымку вылучэньня кандыдатаў у прэзыдэнты пачаўся 23 ліпеня і завяршыўся 21 жніўня. Для рэгістрацыі кандыдата ініцыятыўнай групе трэба было сабраць ня менш як 100 тысяч подпісаў.
Яшчэ на гэтую тэму
Самае папулярнае
1