Лінкі ўнівэрсальнага доступу

Дзьмітрыеў: Калякін эмацыйна вельмі моцна стаміўся


Андрэй Дзьмітрыеў

— Так заявіў Свабодзе кіраўнік грамадзянскай кампаніі «Гавары праўду» Андрэй Дзьмітрыеў, камэнтуючы сёньняшнія выказваньні лідэра партыі «Справядлівы сьвет» Сяргея Калякіна:

«Я разумею расчараваньне тых, хто не сабраў 100 тысяч подпісаў. Разумею, што гэта вельмі эмацыйна цяжка. Але Тацяна Караткевіч падзякавала і спадару Калякіну, і спадару Лябедзьку і заявіла, што гатовая працаваць разам. Я магу падтрымаць гэтыя словы.

На сёньняшні дзень мы ўпэўненыя ў кожным подпісы, якія сабралі. Мы выбракавалі больш за 13 тысяч подпісаў, якія былі не прынятыя нашымі рэгіянальнымі штабамі альбо як сфальшаваныя былі выяўленыя нашай унутранай службай кантролю. Мы ўпэўненыя ў подпісах, і нам ня трэба ісьці ні на якую супрацу ні з кім.

Калі ў кагосьці ўзьнікае пытаньне, а як гэта мы сабралі такую колькасьць подпісаў — то гэта вельмі проста. Калі Сяргей Іванавіч з адной партыяй сабраў больш за 60 тысяч подпісаў, то за Тацяну Караткевіч зьбіралі подпісы і БНФ, і „Гавары праўду“, і абсалютная бальшыня сацыял-дэмакратычных партыяў, і нават шмат актывістаў зь іншых партыяў, якія афіцыйна не падтрымлівалі Тацяну Караткевіч. І праз гэта аб’яднаньне высілкаў мы здолелі выставіць больш пікетаў, больш прайсьці па кватэрах.

Мы гэта разумелі ад самага пачатку. Два гады таму мы пачалі праграму „Народнага рэфэрэндуму“. І тады таксама зьбіралі подпісы. Гэта была добрая трэніроўка для каманды. Калі б „Талака“ вылучала на гэтыя выбары ня двух кандыдатаў (Калякіна і Лябедзьку), а толькі аднаго, то, можа, і яны набралі б 100 тысяч подпісаў».

Сёньня на прэсавай канфэрэнцыі Сяргей Калякін выказаў перакананьне, што прэтэндэнтка на пасаду прэзыдэнта Тацяна Караткевіч таксама не набрала неабходных для рэгістрацыі 100 тысяч подпісаў выбарцаў. І таму, калі ўлады яе зарэгіструюць, гэта будзе азначаць, што яна асабіста і кампанія «Гавары праўду» пайшлі на супрацу з уладамі. Таму Калякін будзе заклікаць сваіх паплечнікаў падчас выбараў галасаваць супраць усіх кандыдатаў.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG