Лінкі ўнівэрсальнага доступу

Усю расейскамоўную вікіпэдыю ў Расеі могуць заблякаваць за адзін артыкул


У Расеі ў рэестар забароненых сайтаў унесьлі артыкул у расейскамоўнай Вікіпэдыі «Чарас». Гэта было зроблена паводле рашэньня Чарнаярскага раённага суду Астраханскай вобласьці.

Як адзначаецца ў судовым рашэньні, у артыкуле дэманструецца спосаб прыгатаваньня наркатычнага рэчыва, таму інфармацыя ў ёй прызнаецца забароненай для распаўсюду на тэрыторыі Расеі.

Пазьней у суполцы «Роскомнадзора» у сацыяльнай сетцы «ВКонтакте» зьявілася паведамленьне з пагрозай заблякаваць усю Вікіпэдыю, калі артыкул ня будзе выдалены. «Роскомнадзор» патлумачыў гэта тым, што пратакол HTTPS, на якім працуе Вікіпэдыя, не дапускае абмежаваньня доступу да асобных старонак.

У адказ выканаўчы дырэктар «Викимедиа.Ру» Станіслаў Казлоўскі паведаміў расейскім журналістам, што адміністрацыі інтэрнэт энцыкляпэдыі ня будзе выдаляць артыкул. Ён патлумачыў, што інфармацыя там узятая з сайта ААН і ўсе крыніцы там акадэмічныя. Ён таксама дадаў, што адміністрацыя сайта гатовая да блякіроўкі на ўсёй тэрыторыі Расеі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG