Лінкі ўнівэрсальнага доступу

Колькасьць мігрантаў на межах Эўропы б’е ўсе рэкорды


Адзін зь мігрантаў перадае дзіця ў рукі афіцэра грэцкай берагавой аховы пасьля выратавальнай апэрацыі, у порце на грэцкім востраве Кос, 17 жніўня 2015 году
Адзін зь мігрантаў перадае дзіця ў рукі афіцэра грэцкай берагавой аховы пасьля выратавальнай апэрацыі, у порце на грэцкім востраве Кос, 17 жніўня 2015 году

Колькасьць мігрантаў, якія сабраліся ля межаў Эўразьвязу, дасягнула ў ліпені рэкордных 107.500 чалавек, паведамляюць прадстаўнікі ЭЗ. Гэта найвышэйшы паказчык з 2008 году, калі пачалі весьці падлікі.

Толькі ў адной Нямеччыне колькасьць мігрантаў, якія прэтэндуюць на палітычны прытулак, па выніках гэтага году можа скласьці 750 тысяч чалавек, гаворыцца ў афіцыйных прагнозах.

Раней нямецкі ўрад ацэньваў верагодную колькасьць заяўнікаў у 450 тысяч чалавек.

Улады Эўразьвязу зь цяжкасьцю спраўляюцца з наплывам мігрантаў у апошнія месяцы. Францыя і Вялікабрытанія заявілі, што падпішуць пагадненьне, каб вырашыць праблему мігрантаў, якія сабраліся ў Кале.

Група мігрантаў адпачывае ў чаканьні цягніка ў Нямеччыну на вакзале Брэнэр на італьянскай мяжы, 28 траўня 2015 году
Група мігрантаў адпачывае ў чаканьні цягніка ў Нямеччыну на вакзале Брэнэр на італьянскай мяжы, 28 траўня 2015 году

Рэкорд за рэкордам

У мінулым месяцы ў адным толькі Гамбургу 5700 чалавек падалі заяву на атрыманьне статусу ўцекача; яшчэ 7 тысяч чалавек зьвярнуліся з гэтай просьбай у фэдэральнай зямлі Бадэн-Вюртэмберг.

Бягучыя лічбы значна вышэйшыя за рэкордныя 480.000 заяваў, пададзеных у 1992 годзе ў разгар басьнійскага крызісу.

Вярхоўны камісар ААН па справах уцекачоў Антоніё Гут’ерэс заклікаў іншыя эўрапейскія краіны таксама пачаць прымаць да сябе ўцекачоў, паколькі ў доўгатэрміновай пэрспэктыве такі падыход, на яго думку, прынясе лепшы вынік.

«Мне трэба кожны дзень будаваць новы шматкватэрны дом, каб разьмясьціць іх усіх», — сказаў штутгарцкі міністар па інтэграцыі Білкай Енэй.

Грэцыя - Мігранты і ўцекачы з часовымі дакумэнтамі чакаць парома, які завязе іх у Атэны, у порце грэцкага вострава Кос. 14 жніўня 2015 году
Грэцыя - Мігранты і ўцекачы з часовымі дакумэнтамі чакаць парома, які завязе іх у Атэны, у порце грэцкага вострава Кос. 14 жніўня 2015 году

Для разьмяшчэньня ўцекачоў у гарадах Нямеччыны будуюць намётавыя мястэчкі або пераабсталёўваюць спартовыя залы. Аднак сацыяльная напружанасьць няўхільна расьце: у некалькіх рэгіёнах краіны ўжо мелі месца сутычкі мясцовых жыхароў і мігрантаў.

Так, на паўночным усходзе Нямеччыны хостэл, у якім пражывалі мігранты, закідалі фаерамі. У гарадах на ўсходзе краіны прайшлі маштабныя акцыі пратэсту. Тысячы людзей выступілі супраць расьсяленьня мігрантаў у сваіх жылых раёнах, баючыся таго, што яны называюць ісламізацыяй Эўропы.

Мудрагелістыя маршруты

Акрамя Нямеччыны, наплыў уцекачоў перажывае Швэцыя. Як чакаецца, прытулку ў гэтай краіне ў 2015 годзе можа папрасіць да 80 тысяч чалавек.

Большая частка ўцекачоў едзе ў эўрапейскія краіны з ахопленай грамадзянскім канфліктам Сырыі.

З пачатку году Міжземнае мора ўжо перасеклі больш за 240 тысяч чалавек. Мігранты дабіраюцца па моры да берагоў Італіі і Грэцыі, а адтуль перабіраюцца ў іншыя эўрапейскія краіны.

Паводле дадзеных ААН, толькі за адзін апошні тыдзень у Грэцыю ўехала 21000 чалавек, паведамляе ВВС.

Мігранты стаяць у чарзе па бясплатныя сэндвічы, якія раздаюць валянтэры арганізацыі "Салідарнасьць Кос" на грэцкім востраве Кос, 17 жніўня 2015 году
Мігранты стаяць у чарзе па бясплатныя сэндвічы, якія раздаюць валянтэры арганізацыі "Салідарнасьць Кос" на грэцкім востраве Кос, 17 жніўня 2015 году

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG