Экспэрты высьветлілі, што абломак крыла самалёта, знойдзены на высьпе Рэюньён ў Індыйскім акіяне, належыць зьнікламу самалёту «Боінг-777» авіякампаніі Malaysia Airlines.
Пра гэта заявіў прэм’ер-міністар Малайзіі Наджыб Разак.
Абломак крыла быў знойдзены на ўзьбярэжжы выспы Рэюньён у Індыйскім акіяне 29 ліпеня.
Дэталь самалёта пазьней была адпраўленая ў лябараторыю міністэрства абароны Францыі ў Тулузе.
Іншыя знойдзеныя дэталі, якія, як мяркуецца, маглі быць абломкамі MH370, як пазьней высьветлілася, ня маюць дачыненьня да зьніклага малазійскіага «Боінгу-777».
На борце ляйнэра, які зьнік у сакавіку 2014 году, знаходзіліся 239 чалавек. Самалёт выконваў рэйс з Куала-Лумпура ў Пэкін і зьнік пасьля таго, як рэзка зьмяніў курс і адключыў бартавыя транспондары.