Лінкі ўнівэрсальнага доступу

Беларус у Празе зарэзаў латвійца з-за дзяўчыны і ўцёк


У чацьвер 16 ліпеня прыблізна ў 14:15 у крымінальную паліцыю г. Прагі (Чэхія) паступіла інфармацыя наконт інцыдэнту, які адбыўся паміж двума мужчынамі на аўтобусным прыпынку побач з аўтобусным вакзалам Флорэнц.

Адзін з удзельнікаў падчас сутычкі атрымаў раненьні, ад якіх на месцы падзеі загінуў. Другі пасьпеў уцячы яшчэ да прыезду паліцыі. Для яго вышуку былі задзейнічаныя паліцэйскія сабакі і верталёт, але безвынікова.

Загінулым аказаўся 34-гадовы грамадзянін Латвіі. Наконт другога ўдзельніка спачатку паведамлялася, што ён, хутчэй за усё, паходзіць з краіны былога СССР. Паводле сьведкаў, гэта мужчына ростам 185 см, спартовага целаскладу, яго твар і майка былі запэцканыя крывёй.

Спачатку чэскія мэдыі паведамлялі, што гаворка ідзе пра грамадзяніна Ўкраіны. Аднак у нядзелю ўвечары прэс-сакратар праскай крымінальнай паліцыі Томаш Гулан паведаміў, што падазраваным зьяўляецца 29-гадовы мужчына «беларускага паходжаньня» Аляксандар Астапчук. Паліцыя лічыць яго небясьпечным і папярэджвае, каб людзі не спрабавалі самі яго затрымаць.

Уся «трагічная разборка», як ахрысцілі інцыдэнт чэскія СМІ, адбылася з-за дзяўчыны, якая праходзіць па справе сьведкай. Некаторыя пасажыры на прыпынку ў чаканьні транспарту здымалі бойку на мабільныя тэлефоны і пляншэты. Забойства таксама зьняла здымачная група з Чэскага Тэлебачаньня, якая выпадкова здымала побач зь месцам трагедыі іншы рэпартаж.

Крысьціна Шыянок, паводле чэскіх СМІ

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG