Дакумэнты на рэгістрацыю сваёй ініцыятыўнай групы сёньня здаў кандыдат эканамічных навук, удзельнік некалькіх прэзыдэнцкіх кампаніяў Віктар Цярэшчанка.
Ён сказаў Свабодзе, што на сёлетніх выбарах бачыць для сябе тры важныя моманты:
«Першы — правесьці выбарчую кампанію адпаведна дзейнаму заканадаўству спакойна і ў кансалідацыі з калегамі, іх даверанымі асобамі і сябрамі ініцыятыўных групаў.
Другі — давесьці сваю праграму, а яна пераважна складаецца з эканамічнага блёку, да выбарцаў, да ўраду. Прапанаваць шляхі выхаду Беларусі з таго крызісу, у якім яна апынулася.
Трэці — прапанаваць пераможцу выбараў сваю праграму выхаду з крызісу і прапанаваць яму асабістую дапамогу ў працы на гэтым кірунку».
Віктар Цярэшчанка — дванаццаты прэтэндэнт на ўдзел у выбарах 2015 году.
Яны прызначаныя на 11 кастрычніка 2015 году.
