Афіша:
На афіцыйны дзень незалежнасьці ў Менску пройдуць сьвяточныя мерапрыемствы.
Сьвяточны канцэрт «Ганаруся табой, Беларусь!» каля палацу спорту пачнецца ў 11 і скончыцца ў 22 гадзіны.
Адразу ж пасьля пачнецца гала-канцэрт «Мы беларусы — мірныя людзі» на пляцоўцы каля абэліску «Менск — горад-герой». Пасьля заканчэньня канцэрту — выкананьне гімну і сьвяточны фаервэрк.
У гісторыі:
1655 — маскоўскія войскі ўзялі Менск падчас вайны 1654-1667. Горад быў спустошаны.
1660 — войскі Рэчы Паспалітай вызвалілі ад маскоўскага войска горад Менск і тэрыторыю да ракі Беразіны.
1944 — вызваленьне Менску Чырвонай арміяй ад нацысцкіх захопнікаў.
1962 — Францыя абвясьціла незалежнасьць Альжыру, паколькі на рэфэрэндуме за гэтае рашэньне выказаліся 75% тых, хто прагаласаваў. Часовы ўрад Альжыру ў выгнаньні вярнулася ў краіну.
1964 — у ЗША прыняты Закон аб грамадзянскіх правах, які забараняе расавую сэгрэгацыю.
1973 — у Гэльсынкі пачала працу Нарада па бясьпецы і супрацоўніцтве ў Эўропе. Праз два гады ў сталіцы Фінляндыі будзе падпісаны Заключны акт.
1996 — Барыс Ельцын абраны прэзыдэнтам Расеі на другі тэрмін.
У гэты дзень нарадзіліся:
1876 — Алаіза Пашкевіч (Цётка), беларуская паэтка, грамадзкая дзяячка.
1883 — Франц Кафка, нямецкамоўны пісьменьнік.
1896 — Яраслаў Кастыцэвіч, беларускі пэдагог, грамадзкі і царкоўны дзяяч, адзін з заснавальнікаў беларускамоўнай асьветы на Беласточчыне пасьля ІІ Сусьветнай вайны.
1901 — Андрэй (Крыт), рэлігійны і грамадзкі дзеяч беларускага замежжа
1910 — Аляксей Грыцук, беларускі грамадзкі дзяяч, гісторык, літаратуразнаўца, настаўнік, старшыня Згуртаваньня беларусаў Канады.
1918 — Рыгор Бярозкін, беларускі літаратуразнаўца.
1937 — Том Стопард, брытанскі драматург. У жніўні 2005 году Стопард наведаў Менск, дзе праводзіў сэмінар у драматургіі і дасьледаваў праблемы парушэньняў правоў чалавека і палітычную сытуацыю ў Беларусі.
1949 — Віктар Купрэйчык, беларускі шахматыст, міжнародны гросмайстар.
Цытата:
Хлусяць менш за ўсё, калі менш за ўсё хлусяць, а не тады, калі для гэтага менш за ўсё падставаў.
Франц Кафка