Лінкі ўнівэрсальнага доступу

Выхад Грэцыі з зоны эўра амаль непазьбежны – міністар фінансаў Аўстрыі


Жанчына са сьцягамі Грэцыі і Эўразьвязу на мітынгу каля грэцкага парлямэнту 18 чэрвеня 2015 году
Жанчына са сьцягамі Грэцыі і Эўразьвязу на мітынгу каля грэцкага парлямэнту 18 чэрвеня 2015 году

Аўстрыйскі міністар фінансаў Ганс Ёрг Шэлінг заявіў, што выхад Грэцыі з зоны эўра «выглядае амаль непазьбежным».

«Ясна, што адна краіна ня можа ні пры якіх абставінах шантажаваць Эўрапейскую камісію і краіны [зоны] эўра», — цытуе Шэлінга аўстрыйскае газэта Die Presse ў папяровым выданьні за 28 чэрвеня.

Гэтая заява зьявілася пастля таго, як крэдыторы Грэцыі адмовіліся фінансаваць краіну надалей, каб уратаваць яе ад дэфолту па плацяжы 1.6 мільярда эўра Міжнароднаму валютнаму фонду. Гэты плацёж мае быць зроблены да 30 чэрвеня.

Грэцкія ўлады абвясьцілі на 5 ліпеня рэфэрэндум, на якім грамадзяне краіны мелі б прагаласаваць наконт прыняцьця ўмоваў новага крэдыту, неабходнага, каб выплаціць старыя пазыкі.

Прэм’ер-міністар Грэцыі Алексіс Цыпрас заклікаў выбарцаў адхіліць ўмовы, прапанаваныя крэдыторамі. Паводле гэтых умоваў, Грэцыя мела б скараціць дзяржаўныя выдаткі і правесьці эканамічныя рэформы ў абмен на дадатковую пяцімесячную крэдытную праграму.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG