Лінкі ўнівэрсальнага доступу

Ужо сёньня, 25 чэрвеня: 110 гадоў з дня нараджэньня Петруся Броўкі


в.Чабусы. Любанскі р-н, Менская вобл.

Падзеі гэтага дня ў Беларусі, сьвеце, гісторыі.

Фота дня

Новае фота кожны дзень, увесь год. Загружайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

Менск. У МЗС адбудзецца брыфінг начальніка ўпраўленьня інфармацыі — прэс-сакратара МЗС Дзьмітрыя Мірончыка. Пачатак у 11 гадзінаў.

Менск. Нацыянальная плятформа праводзіць канфэрэнцыю «Грамадзянская Супольнасьць Беларусі: выклікі застою і адзяржаўленьня трэцяга сэктару».

Менск. У міжнародным адукацыйным цэнтры ім. Яханэса Раў пройдзе канфэрэнцыя «Народнай праграмы» «Стан і шляхі паляпшэньня канкурэнтаздольнасьці Беларусі». Пачатак у 9.30.

Менск. У Нацыянальным прэсавым цэнтры адбудзецца прэсавая канфэрэнцыя Аляксея Стука — намесьніка генэральнага пракурора. Пачатак у 15 гадзінаў.

Менск. У Гарадзкой ратушы адбудзецца ўрачыстая цырымонія ўзнагароджаньня ляўрэатаў і пераможцаў конкурсу «Лепшы горад (раён, вобласьць) для бізнэсу Беларусі — 2015». Пачатак у 15 гадзінаў.

Менск. Літаратурны музэй Петруся Броўкі запрашае на 110-гадовы юбілей клясыка айчыннай літаратуры — народнага паэта Беларусі Пятруся Броўкі. Пачатак у 16 гадзінаў.

У гісторыі:

1840 — загадам расейскага цара Мікалая I на тэрыторыі Беларусі ўведзенае імпэрскае заканадаўства. Канчаткова спыненае дзеяньне Трэцяга статуту ВКЛ.

1925 — у Сэйме Польшчы пасьля расколу Беларускага пасольскага клюбу заснаваны пасольскі клюб пад назвай Беларуская сялянска-работніцкая грамада.

1941 — Фінляндыя ўступіла ў вайну на баку нацысцкай Нямеччыны.

1946 — пачаў дзейнічаць Сусьветны банк.

1950 — пачалася вайна ў Карэі.

1953 — у Маскве арыштаваны Лаўрэнці Берыя.

1975 — Мазамбік атрымаў незалежнасьць ад Партугаліі.

1991 — Славенія і Харватыя абвясьцілі незалежнасьць ад Югаславіі. 2003 — фармальна зьліквідаваны ліцэй імя Якуба Коласа.

У гэты дзень нарадзіліся:

1852 — Антоніё Гаўдзі, гішпанскі (каталёнскі) архітэктар. Свае найбольш вядомыя праекты ажыцьцявіў у Барсэлёне. Найбольш знакаміты ягоны твор — сабор Сьвятога сямейства.

1892 — Зыгмунт Абрамовіч, унук Францішка Багушэвіча, адзін зь вядучых актораў Першай беларускай трупы Ігната Буйніцкага.

1903 — Джордж Оруэл, ангельскі пісьменьнік. Ягоныя антыўтопіі «1984-ы» і «Фэрма» выйшлі па-беларуску напачатку 90-х гадоў.

Пятрусь Броўка
Пятрусь Броўка

1905 — Пятрусь Броўка, беларускі грамадзкі дзяяч, пісьменьнік, паэт і перакладнік. Быў галоўным рэдактарам першай энцыкляпэдыі ў 12-ці тамах.

1932 — Часлаў Кудаба, беларускі і літоўскі географ-краязнавец, эколяг

1975 — Міхась Башура, беларускі пісьменьнік

Цытата:

Няхай палохаюць віхуры,

Ты не мяняй кірунак свой,

Бо нават птушкі супраць буры

Сядзяць наперад галавой.

Пятрусь Броўка

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG