Лінкі ўнівэрсальнага доступу

Навальны: вайну ва Ўкраіне пачаў Пуцін


Аляксей Навальны, архіўнае фота, 2013 год
Аляксей Навальны, архіўнае фота, 2013 год

Расейскі апазыцыйны палітык Аляксей Навальны заяўляе, што захоп Расеяй Крыму быў парушэньнем міжнародных нормаў, і гэта нанясе яго краіне вялікую шкоду.

Навальны ў інтэрвію Радыё Свабода і Голасу Амэрыкі заявіў, што ён перакананы ў тым, што вайну ва Ўкраіне пачаў прэзыдэнт Расеі Ўладзімер Пуцін:

«Хто пачаў вайну ва Ўкраіне? — Гэта вядома. Гэта зрабілі Пуцін і яго асяродзьдзе. Ён гэта зрабіў для таго, каб захаваць манаполію сваёй улады, каб, у прыватнасьці, мець эксклюзыўнае права ўзбагачацца», — сказаў Навальны.

Паводле яго слоў, цяпер праблему Крыму немагчыма вырашыць хутка, паколькі там трэба праводзіць рэфэрэндум. А канфлікт у Данбасе, як лічыць расейскі апазыцыянэр, зацягвае Расею ў прорву, і Масква павінна спыніць падтрымку сэпаратыстаў.

Расея анэксавала ўкраінскі Крым у сакавіку 2014 году.

Украіна і Захад абвінавачваюць Расею ў падтрымцы прарасейскіх сэпаратыстаў у Данбасе. Масква гэтыя абвінавачваньні абвяргае, заяўляючы, што на Данбасе няма расейскіх вайскоўцаў, але ёсьць «добраахвотнікі».

Цалкам інтэрвію Навальнага можна пачытаць на сайце расейскай службы нашага радыё

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG