Парашэнка ў Рызе: Альтэрнатывы менскім дамоўленасьцям няма
«Мы ня бачым ніякай альтэрнатывы менскаму працэсу», — заявіў прэзыдэнт Украіны Пятро Парашэнка ў Рызе. Ён таксама падкрэсьліў, што неабходна выконваць усе крытэры пагадненьняў па Данбасу, дасягнутыя ў Менску.
На Рыскім саміце няма нічога супраць Расеі, — Лінкявічус
Макей чакае ад Рыскага саміту руху ў бок міру і стабільнасьці
Беларуская апазыцыя ў Рызе заклікала аднавіць перамовы з уладамі пры пасярэдніцтве Эўразьвязу
Што гаворыцца ў праекце рэзалюцыі Рыскага саміту пра Беларусь?
Парашэнка: Гэта праблема Беларусі, а не ЭЗ ці Украіны
Мэркель: Ніхто ня мае права блякаваць абранага шляху ўсходніх суседзяў ЭЗ
Беларусь адмовілася падпісваць заяву Рыскага саміту пра анэксію Крыму
У сталіцы Латвіі, якая старшынюе ў Эўразьвязе сёньня пачынаецца двухдзённы саміт «Усходняга партнэрства», на якім лідэры Эўразьвязу сустрэнуцца з партнэрамі з шасьці краінаў-суседзяў: Азэрбайджану, Армэніі, Беларусі, Грузіі, Малдовы і Ўкраіны.
Эўрапейская мара і «Ўсходняе партнэрства»
Чаму ў Партнэрства запрасілі шэсьць, а не чатыры ці нават ня тры краіны, чаму запрасілі ня толькі тых, хто сапраўды рабіў эўрапейскі выбар, хто быў гатовы ахвяраваць многім дзеля гэтага выбару?
Карагін пра адставаньне Беларусі ў супрацы з Эўразьвязам: Мы самі вінаватыя
Уладзімер Карагін, дэлегат бізнэс-форуму, які праходзіць у рамках Рыскага саміту, у інтэрвію Свабодзе пазытыўна ацаніў удзел Беларусі ў ініцыятыве «Ўсходняга партнэрства» Эўразьвязу.
Выбар паміж Захадам і Ўсходам для Беларусі непрымальны, — намесьнік міністра эканомікі
Першы намесьнік міністра эканомікі Аляксандар Забароўскі ўзяў актыўны ўдзел у Трэцім бізнэс-форуме «Ўсходняга партнэрства» ў Рызе.
Аліеў, як і Лукашэнка, ня едзе на саміт «Усходняга партнэрства»
Прэзыдэнт Азэрбайджану Ільхам Аліеў адмовіўся ад удзелу ў саміце «Ўсходняга партнэрства» Эўразьвязу ў Рызе 21-22 траўня. На ўсіх папярэдніх ён прысутнічаў асабіста.
Сэнсацыяў на Рыскім саміце не чакаецца
У сталіцы Латвіі, якая старшынюе ў Эўразьвязе, праходзіць двухдзённы саміт «Усходняга партнэрства», на якім лідэры Эўразьвязу сустракаюцца з партнэрамі з шасьці краінаў-суседзяў: Азэрбайджану, Армэніі, Беларусі, Грузіі, Малдовы і Ўкраіны.
Уладзімер Макей у Рызе да прэсы не падыйшоў
Перад пачаткам сёньняшняга пасяджэньня лідэры Эўразьвязу і дзяржаў-партнэраў маюць магчымасьць зьвярнуцца да прэсы, выказаць свае спадзевы ад саміту. Прадстаўнік Беларусі Ўладзімер Макей такую магчымасьць праігнараваў, ён павітаўся з арганізатарамі саміту і прайшоў паўз шэрагі журналістаў.
У Рызе патрабуюць спыніць расейскую агрэсію ва Ўкраіне
Каля будынку Нацыянальнай бібліятэкі ў Рызе сабраліся некалькі дзясяткаў латышоў і ўкраінцаў, якія заклікаюць Эўразьвяз патрымаць Украіну, Грузію, даць ім бязьвізавы рэжым, узмацніць санкцыі супраць Расеі.
«Спыніць расейскую агрэсію», — заклікае адзін з плякатаў удзельнікаў пікету.
Паседжаньне пачалося. Фота зробленае ў прэсавым цэнтры саміту.
Эўракамісар Ган: Выніковая дэклярацыя задаволіць усіх
Па выніках саміту «Ўсходняга партнэрства» будзе падрыхтаваны такі варыянт дэклярацыі, які задаволіць усіх, — заявіў журналістам эўракамісар у эўрапейскай палітыцы суседзтва і перамовах аб пашырэньні Эўразьвязу Ёханэс Ган перад пачаткам сустрэчы ў Рызе.
Эўразьвяз выдзеліў Украіне 1,8 мільярда эўра
У рамках Рыскага саміту было падпісанае пагадненьне аб выдзяленьні Ўкраіне эўрапейскага крэдыту памерам 1,8 мільярда эўра.
Старшыня Нацбанку Ўкраіны Валерыя Гонтарава, якая разам зь міністрам фінансаў Натальляй Ярэська падпісала пагадненьне з украінскага боку, заявіла, што гэтыя сродкі ўваходзяць у 40-мільярдны аб’ём міжнароднай дапамогі Ўкраіне і пойдуць на падтрымку эканамічных рэформ.
Беларусь і Ўкраіна на саміце ў Рызе: апэратыўны камэнтар Свабоды
Жывое ўключэньне з саміту «Ўсходняга партнэрства». Падзеі на саміце, зьвязаныя зь Беларусьсю і Ўкраінай, у відэаэфіры Свабоды камэнтуюць наш карэспандэнт Валер Каліноўскі і супрацоўнік украінскай службы Свабоды Расьціслаў Хоцін.
Глядзіце з 03.58
«Моцная занепакоенасьць не дапаможа» – акцыя ў Рызе для ЭЗ
Украінцы і грузіны сабраліся ў Рызе каля Нацыянальнай бібліятэкі Латвіі, дзе праходзіць саміт «Усходняга партнэрства». Удзельнікі акцыі трымалі сьцягі дзьвюх дзяржаў і плякаты з надпісамі «Спыніць расейскую агрэсію!», «Мы народжаныя бязьвізавымі», «Моцная занепакоенасьць не дапаможа».
