Зборная Расеі прагуляла Канадзе ў фінале чэмпіянату сьвету па хакеі зь лікам 1:6. Пасьля перамогі расейцаў над камандай ЗША гэта параза акаціла халодным душам расейскіх заўзятараў. Але тыя, хто падтрымліваў Канаду, не ўпусьцілі магчымасьці паіранізаваць над паразай расейцаў.
Твітэр парталу @tutby правеў апытанку сярод беларусаў: “а за каго заўзееце вы?”. Перамаглі, вядома, расейцы, але і за канадыйцаў аддалі свае галасы амаль 600 чалавек, а 970 - за Расею.
Гульню расейскага брамніка Баброўскага адзначылі і ў гэты раз. Але ў адмоўны бок.
А ў асноўным карыстальнікі сацыяльных сетак высьмейвалі буйную паразу расейцаў, адзначаючы пры гэтым, што яны не прагулялі б, калі б выйшлі гуляць з Пуціным і георгіеўскімі стужкамі.
Але і гэта яшчэ ня ўсё. Пасьля паразы расейскія хакеісты сышлі зь лёду, не дачакаўшыся выкананьня гімну зборнай Канады, за што былі асьвістаныя гледачамі ў праскай арэне. А ў самой Расеі іх не сустрэў ніводзін заўзятар.
