Лінкі ўнівэрсальнага доступу

Ужо сёньня, 15 траўня. Міжнародны дзень сям’і, канцэрт Паліны Рэспублікі


Толькі мая Беларусь. Брэсцкая крэпасьць, чэрвень 2010.
Толькі мая Беларусь. Брэсцкая крэпасьць, чэрвень 2010.

Падзеі і даты сёньняшняга дня ў Беларусі, сьвеце, гісторыі.

Новае фота кожны дзень, увесь год. Прысылайце сюды свае здымкі гарадзкіх і прыродных краявідаў, падзеяў і зьяваў жыцьця ў 2015 альбо на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша

Менск. «Арт Сядзіба» запрашае актораў і акторак на кастынг для спэктакля «Браніслаў Тарашкевіч» па п’есе «Вайна з народам». Пачатак у 19.00. Адрас — праспэкт Незалежнасьці, 58-430.
Менск. Прэзэнтацыя першага альбому Паліны Рэспублікі «Бясконцы красавік» адбудзецца ў культурнай прасторы «Студыя 67» у 19.00. Адрас — Партызанскі праспэкт, 2а.

Гомель. Дзень адчыненых дзьвярэй у Музэі гісторыі Гомеля. Пачатак у 11.00. Адрас — вул. Пушкіна, 32. Музэй працуе з 11.00 да 19.00.

Маладэчна. Культурна-асьветніцкая акцыя «Ноч музэяў — 2015» пройдзе ў Менскім абласным краязнаўчым музэі. Адрас — вул. Партызанская, 3. Пачатак у 18:00.

Гэты дзень у гісторыі

Міжнародны дзень сям’і. Адзначаецца штогод з 1994 году паводле рашэньня Генэральнай Асамблеі ААН ад 20 верасьня 1993 году.

Міжнародны дзень адмоўнікаў ад ваеннай службы паводле перакананьняў сумленьня. Заснаваны на першай міжнароднай сустрэчы адмоўнікаў ў Капэнгагене ў 1981 годзе.

1905 — дэбютаваў у друку Янка Купала. У газэце «Северо-западный край» быў апублікаваны верш «Мужык».

1948 — Пяць арабскіх дзяржаў (Сырыя, Эгіпет, Лібан, Ірак і Ярданія) напалі на Ізраіль на наступны дзень пасьля абвяшчэньня яго незалежнасьці.

1950 — У Тураве адкрыўся краязнаўчы музэй

1955 — СССР, ЗША, Англія, Францыя і Аўстрыя падпісалі дзяржаўную дамову аб аднаўленьні незалежнай і дэмакратычнай Аўстрыі.

1971 — У Лёндане адкрылася Беларуская бібліятэка і музэй імя Францішка Скарыны.

1979 — У Менску адкрыўся Музэй старажытнабеларускай культуры (заснаваны 7 ліпеня 1977 г.).

1990 — Пачаў працу Вярхоўны Савет БССР 12-га скліканьня, якому было наканавана абвясьціць незалежнасьць Беларусі.

1993 — У Гомелі створаны Музэй-лябараторыя Францішка Скарыны.

1997 — Аляксандар Лукашэнка быў абраны старшынём Нацыянальнага Алімпійскага камітэту Беларусі.


У гэты дзень нарадзіліся:

1845 — Ян Чэрскі, беларускі геоляг і дасьледчык Сыбіру

1859 — П’ер Кюры, францускі фізык

1882 — Уладзіслаў Галубок, беларускі тэатральны дзеяч, рэжысэр, драматург

1909 — Язэп Найдзюк, дзеяч заходнебеларускага нацыянальнага руху, выдавец, гісторык.

1922 — нарадзіўся беларускі пісьменьнік і кінарэжысёр Пётр Васілеўскі. Сярод работ — фільм «Палеская легенда».

1926 — Ніна Тарас, беларуская пісьменьніца

1936 — Барыс Сачанка, беларускі пісьменьнік, перакладчык і выдавец


У гэты дзень памерлі:

1762 — Міхал Казімер Радзівіл «Рыбанька», вялікалітоўскі дзяржаўны дзеяч, мэцэнат

1935 — Казімер Малевіч, мастак-авангардыст, адзін з заснавальнікаў супрэматызму — кірунку ў абстрактным мастацтве.

2013 — Нінэль Шчасная, беларуская мастачка.


Цытата на памяць

Усе шчасьлівыя сем’і падобныя адна на адну, кожная нешчасьлівая сям’я нешчасьлівая па-свойму.

Леў Талстой, "Ганна Карэніна"​

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG