Афіша:
У Менску пройдуць афіцыйныя мерапрыемствы з нагоды 70-й гадавіны Перамогі. У праграме: ускладаньне кветак, парад, канцэртная праграма і фэервэрк. А 12-й гадзіне ва ўсіх праваслаўных храмах Беларусі прагучаць званы ў памяць пра людзей, якія загінулі ў гады вайны.
Візыт у Беларусь дэлегацыі Галоўнага Мытнага Ўпраўлення Кітайскай Народнай Рэспублікі на чале з дырэктарам (міністрам) Юй Гуанчжоў, а таксама дэлегацыі Кітайскай акадэміі грамадзкіх навук на чале зь яе прэзыдэнтам Ван Вэйгуаном.
Магілёў, у клюбе «Куба» (вул. Першамайская, 29) адбудзецца прэзэнтацыя новага альбома гурта Nizkiz. Пачатак а 18-й гадзіне.
У Менску пройдзе фэстываль фальклёрнай музыкі і народных традыцый «Фолк у Бітлджусе». Месца правядзеньня — дворык кавярні «Бітлджус» (вул. Калініна, 7). На канцэрце выступяць гурты Стары Ольса, Vuraj, Re1ikt, KRIWI, Нагуаль. У праграме фэстывалю кірмаш народных рамёстваў і адмысловая пляцоўка для дзяцей. Пачатак а 12-й гадзіне.
Мэтро і некаторыя маршруты менскага пасажырскага транспарту падоўжаць працу да 1.30. Таксама зьменяцца некаторыя маршруты гарадзкога транспарту.
Острава, Чэхія, пройдзе гульня Беларусь-Расея падчас Чэмпіянату сьвету па хакеі.
Гэты дзень у гісторыі:
1945 — некаторыя народы колішняга Савецкага Саюзу адзначаюць Дзень Перамогі.
1950 — Дзень Эўропы, устаноўлены на памяць «дэклярацыі Шумана», якую 9 траўня 1950 году агучыў францускі міністар замежных справаў Робэрт Шуман, заклікаючы да шчыльнай эўрапейскай інтэграцыі.
1953 — у Менску выйшаў першы нумар літаратурнага часопіса «Маладосьць».
1994 — Нэльсан Мандэла стаў пешым чарнаскурым прэзыдэнтам Паўднёвай Афрыкі.
Гэты дзень у памяці:
1794 — памёр Юзэф Казімер Касакоўскі, дзяржаўны дзяяч Рэчы Паспалітай, біскуп інфлянцкі.
1805 — памёр Фрыдрых Шылер, нямецкі паэт і драматург.
1866 — нарадзіўся Леў Бакст, ураджэнец Горадні, парыскі жывапісец і графік, тэатральны мастак.
1883 — нарадзіўся Хасэ Артэга-і-Гасэт, гішпанскі філёзаф.
1891 — памёр Адам Станіслаў Красінскі, віленскі біскуп, прапаведнік, філёляг, паэт, перакладчык.
1892 — нарадзіўся Міхаіл Мялешка, беларускі гісторык, этнограф, пісьменьнік, публіцыст.
1924 — нарадзіўся Булат Акуджава, расейскі бард, паэт, пісьменьнік.
1929 — нарадзіўся Людвіг Асецкі, беларускі графік.
1955 — нарадзіўся Ўладзімер Емяльянчык, беларускі гісторык, выкладчык, паэт.
Цытата:
«Гэтая сустрэча адбылася ў Празе. На запрашэньне ён [Булат Акуджава] прыйшоў на Радыё Свабода, адказваў на пытаньні, а пасьля прасьпяваў некалькі песьняў. Пасьля гэтага я задаў яму пытаньне, якое даўно мяне цікавіла. Прыкладна ў 1987-1988 гадах я пабачыў па тэлебачаньні ягоны выступ. Ён прасьпяваў песьню, якую я з таго часу ня мог забыць. Там былі такія словы:
„И спросят меня: зачем так расправил крыла?
А я им отвечю: надежда была“.
Я быў моцна ўражаны вось гэтым аптымістычным і трагічным пасылам адначасна, які быў у гэтай песьні».
Дырэктар беларускай службы Радыё Свабода Аляксандар Лукашук пра сустрэчу з Булатам Акуджавам.
Падзеі гэтага дня ў Беларусі, сьвеце, гісторыі.
Самае папулярнае
1